قاسىم-جومارت توقاەۆ الاتاۋ قالاسى تسيفرلىق اكتيۆتەردى دامىتۋ مەن جاڭا قارجى جۇيەسىن قالىپتاستىرۋدىڭ ستراتەگيالىق ورتالىعىنا اينالۋى ءتيىس ەكەنىن مالىمدەدى. سونىمەن قاتار مەملەكەت باسشىسى وڭىردەگى ينفراقۇرىلىمدىق ماسەلەلەردىڭ شەشىلمەۋىن سىنعا الىپ, جوبانىڭ ماقساتتارى مەن ناقتى الەۋمەتتىك-ەكونوميكالىق جاعداي اراسىنداعى الشاقتىققا نازار اۋداردى, دەپ حابارلايدى Egemen.kz.
مەملەكەت باسشىسى الاتاۋ تسيفرلىق اكتيۆتەردى جەدەل دامىتۋ جانە ەلدىڭ جاڭا قارجى ارحيتەكتۋراسىن قۇرۋدىڭ ستراتەگيالىق الاڭىنا اينالۋعا ءتيىس ەكەنىن ايتتى.
«قازاقستان قارجى نارىعى قارقىندى ترانسفورماتسيا كەزەڭىندە تۇر دەۋگە بولادى. ەلىمىزدە جاريالانعان تسيفرلاندىرۋ جانە جاساندى ينتەللەكت جىلى فينتەح يندۋسترياسىن دامىتۋعا ىقپال ەتەدى. بۇل ورايدا الاتاۋ الەمنىڭ وسى بولىگىندەگى تۇڭعىش كريپتوقالا رەتىندە ماڭىزدى ءرول اتقارادى. وسى سالانى دامىتۋ ءۇشىن قىسقا مەرزىمدە ارتىق كەدەرگىلەردى جويىپ, جاڭا قارجى قۇرالدارىن ىسكە قوسۋ قاجەت. تسيفرلىق اكتيۆتەردىڭ ناقتى قۇقىقتىق مارتەبەسىن بەكىتىپ, كريپتواكتيۆتى م ۇلىك رەتىندە تانۋ كەرەك. بۇل جۇيەدە تسيفرلىق تەڭگە نەگىزگى ءرول اتقارادى.
پرەزيدەنت: Alatau City العاشقى تولىق تسيفرلى قالا بولادى حالىقارالىق تانىمال ورتالىقتارمەن تابىستى باسەكەگە ءتۇسۋ ءۇشىن الاتاۋ قالاسىندا تسيفرلىق اكتيۆتەر وپەراتسياسىنا جانە جەرگىلىكتى يۋريسديكتسيادا كاپيتالدىڭ وسۋىنە نولدىك مولشەرلەمە بەلگىلەنىپ, ءتيىستى قۇقىقتىق جاعداي جاسالۋى قاجەت. ەكونوميكانىڭ ناقتى سەكتورلارىن, سونىڭ ىشىندە جىلجىمايتىن م ۇلىكتى, ينفراقۇرىلىم نىساندارىن, شيكىزات اكتيۆتەرىن توكەنيزاتسيالاۋ جوباسىن جۇزەگە اسىرۋدى جەدەلدەتكەن ءجون. بۇل ورنىقتى جانە سۇرانىسقا يە تسيفرلىق قۇرالدار نارىعىن قالىپتاستىرۋعا مۇمكىندىك بەرەدى. وسى ورايدا ترانزاكتسيالاردى تسيفرلىق يدەنتيفيكاتسيالاۋ جانە اشىق مونيتورينگتەۋ نەگىزىندە قاۋىپسىزدىك پەن ينۆەستيتسيالىق تارتىمدىلىق تەڭگەرىمىن قامتاماسىز ەتەتىن باقىلاۋ جۇيەسىن ىسكە قوسۋ قاجەت. ياعني تۇتاستاي العاندا وتانىمىزدىڭ تۇبەگەيلى جاڭا ءارى ساپالى وركەندەۋى تۋرالى ءسوز بولىپ وتىر. ءبىز ەلىمىزدى قارجىلىق تۇرعىدان دامىتۋ جانە ترانسفورماتسيالاۋ سالاسىندا بەلگىلى ءبىر دەڭگەيدە رەۆوليۋتسيا جاساپ جاتىرمىز», دەدى پرەزيدەنت.
توقاەۆ سونىمەن قاتار Alatau Smart-City سالۋ مىندەتتەرى مەن وڭىردەگى ناقتى الەۋمەتتىك-ەكونوميكالىق جاعداي اراسىندا قاراما-قايشىلىق ايقىن بايقالاتىنىن اتاپ ءوتتى.
«نەگىزگى ينفراقۇرىلىمنىڭ وزىق دامۋى. قالاعا قوسىلعان ەلدى مەكەندەردىڭ (جەتىگەن, قويانقۇس جانە تاعى باسقالار) تۇرعىندارى تۇرمىسقا قاجەتتى قاراپايىم جاعدايدىڭ جاسالماعانىن ايتادى. ەلەكتردىڭ ءجيى وشۋىنە قاتىستى ارىز-شاعىمنىڭ كوپتىگىن بىلاي قويعاندا, تۇراقتى ينتەرنەتتىڭ, ساپالى جولدىڭ, ورتالىقتاندىرىلعان سۋدىڭ جوقتىعىن العا تارتادى. مۇنداي پروبلەمالار وبلىستىڭ بارلىق اۋماعىندا بار. ماسەلەن, 2025 جىلى ەلەكتر جەلىسىنىڭ توزۋى 70 پايىزعا جۋىقتاپ, سونىڭ سالدارىنان ەلەكتر قۋاتىنىڭ ءوشىرىلۋى 919 رەت, ال جىل باسىنان بەرى 201 مارتە تىركەلگەن. قالانىڭ جاڭا اۋداندارىندا ينجەنەرلىك كوممۋنيكاتسيا تارتۋ جۇمىستارى ءالى كۇنگە دەيىن جوبالاۋ ساتىسىندا قالىپ وتىر. ءۇش قوسالقى ستانتسيانى جوندەۋ جانە سۋ الۋ قوندىرعىسىنىڭ قۋاتىن ارتتىرۋ جوبالارى بەلگىلەنگەن كەستەدەن كەشىگىپ جاتىر.
قاسىم-جومارت توقاەۆ: الاتاۋ جوباسىنا قاتىستى زاڭنامالىق جۇمىس جىلدام جۇرگىزىلۋگە ءتيىس Alatau Smart-City سالۋ مىندەتتەرى مەن وڭىردەگى ناقتى الەۋمەتتىك-ەكونوميكالىق جاعداي اراسىندا قاراما-قايشىلىق ايقىن بايقالادى. مۇنى اشىق ايتايىق. بۇل جاعدايدى پرەمەر-ءمينيستردىڭ ورىنباسارى قانات بوزىمباەۆتىڭ, سونىمەن قاتار, اكىم مارات سۇلتانعازيەۆتىڭ تاراپىنان جىبەرىلگەن ولقىلىق دەپ سانايمىن. جالپى, جاڭا ەنەرگيا قۋاتى كوزدەرىن كەڭەيتۋ مەن ىسكە قوسۋ قاجەتتىگى – ەلدىك دەڭگەيدەگى ماسەلە. مامانداردىڭ باسىم بولىگى ەنەرگيا تاپشىلىعى ماسەلەسىنىڭ نەگىزگى شەشىمى جاڭا گەنەراتسيانى ىسكە قوسۋ دەپ بىلەدى. پىكىرتالاستىڭ بارلىعى ەكى اسپەكتىگە – قانشا جانە قانداي ەلەكتر ستانتسيالارىن سالۋ قاجەت دەگەن ساۋالعا كەلىپ تىرەلەدى. ءبىز قاشاندا تالقىلاۋعا دايىن تۇرامىز. بىراق قازىرگى ۋاقىتتا ەلىمىز ەنەرگيانى قانشالىقتى كوپتەپ جوعالتىپ وتىر دەگەن نەگىزگى ساۋالدى ەشكىم قوزعامايدى», دەدى مەملەكەت باسشىسى.