قازاقستان مۇسىلماندارى ءدىني باسقارماسى قۇربان شالۋ ءراسىمىن قاشىقتان وتكىزۋگە ارنالعان ارنايى qurban.muftyat.kz سايتىن ىسكە قوستى, دەپ حابارلايدى Egemen.kz.
قمدب مالىمەتىنشە, حالىققا, اسىرەسە ۇلكەن قالالاردا تۇراتىن تۇرعىندارعا وڭتايلى بولۋ ءۇشىن بيىل دا قۇربان شالۋ وفلاين جانە ونلاين فورماتتا جۇزەگە اسادى.
«ونلاين تۇردە قۇربان شالام دەۋشىلەر سايت ارقىلى قۇرباندىق مالىن تاڭداپ, Kaspi QR ارقىلى قاجەتتى قاراجاتتى اۋدارا الادى. قوي مەن ەشكىنى جەكە ادام, ال ءىرى قارا مەن تۇيە مالىن ءبىر نەمەسە 7 ادام بىرىگىپ شالسا بولادى. تاپسىرىسىڭىز ءساتتى وتسە ۇيالى تەلەفونىڭىزعا SMS حابارلاما كەلەدى. قۇرباندىق شالىنعان سوڭ ونىڭ فوتو جانە بەينە ەسەبى تاپسىرىس بەرۋشى كورسەتكەن نومىرگە جىبەرىلەدى», دەلىنگەن حابارلامادا.
سايتتاعى مالىمەت بويىنشا, ءبىر قويدىڭ باعاسى – 125 مىڭ تەڭگە بولسا, ءىرى قارا باعاسى – 875 مىڭ تەڭگە.
ەسكە سالايىق, بيىل قۇربان ايت 27 مامىرعا سايكەس كەلىپ تۇر.