قوستاناي وبلىسىندا ەكى ادامنىڭ ولىمىنە اكەلگەن جول اپاتىن جاساعان جەرگىلىكتى تۇرعىنعا سوت ۇكىمى شىقتى. بۇل تۋرالى سوتتىڭ ءباسپاسوز قىزمەتى حابارلادى, دەپ جازادى Egemen.kz.
جول-كولىك وقيعاسى 2025 جىلعى 30 تامىزدا قوستاناي – اۋليەكول – سۇرعان تاسجولىندا بولعان. Toyota Camry جۇرگىزۋشىسى نوۆونەجينكا اۋىلىنىڭ ماڭىندا قارسى باعىتقا شىعىپ كەتىپ, Opel Vectra كولىگىمەن سوقتىعىسقان.
Opel كولىگىندەگى ەكى جولاۋشى وقيعا ورنىندا العان جاراقاتتارىنان قازا تاپتى. ال Toyota سالونىندا بولعان تاعى ءبىر ادام اۋىر جاراقات العان.
جانتۇرشىگەرلىك جول اپاتىنان شىعىس قازاقستاندا ءۇش جىگىت كوز جۇمدى
سوتتالۋشى كىناسىن تولىق مويىندادى. سوت ۇكىمىنە سايكەس ول بەس جىل باس بوستاندىعىنان ايىرۋ جازاسىنا كەسىلدى. سونىمەن قاتار وعان الداعى بەس جىل بويى كولىك جۇرگىزۋگە تىيىم سالىندى جانە جابىرلەنۋشىلەردىڭ ازاماتتىق تالاپتارى بويىنشا وتەماقىنى ءىشىنارا تولەۋ مىندەتتەلدى. وتەماقى كولەمى سوتتا ناقتىلانبادى.
ءال-فارابي داڭعىلىنداعى جول اپاتى: رەزونانس تۋدىرعان ءىس تاياۋدا سوتقا جولدانادى
ۇكىم ءالى زاڭدى كۇشىنە ەنگەن جوق.