ناۋرىز ايىندا نارىق دوللار باعامىن شامامەن 496 تەڭگە دەڭگەيىندە باعالاسا, مامىردا بۇل كورسەتكىش 462-465 تەڭگە ارالىعىنا دەيىن تومەندەدى. ۆاليۋتا نارىعى ءۇشىن مۇنداي وزگەرىس وتە جىلدام بولدى. ساراپشىلار مۇنى قىسقا مەرزىمدى اۋىتقۋمەن عانا ءتۇسىندىرۋ قيىن ەكەنىن ايتادى, دەپ جازادى Egemen.kz.
ۇلتتىق ەكونوميكالىق زەرتتەۋلەر بيۋروسىنىڭ بولجامىنا سايكەس, 2026 جىلدىڭ مامىرىنا ارنالعان بازالىق ستسەناريدە دوللاردىڭ ورتاشا باعامى شامامەن 463,8 تەڭگە دەڭگەيىندە قالىپتاسۋى مۇمكىن. ال وپتيميستىك ستسەناري بويىنشا تەڭگە 446,3 دەڭگەيىنە دەيىن نىعايۋى ىقتيمال. پەسسيميستىك بولجامدا دوللار باعامى 481,3 تەڭگەگە دەيىن ءوسۋى مۇمكىن.
تەڭگە نىعايىپ جاتىر: وندا نەگە باعا ارزاندامايدى؟
ساراپشىلاردىڭ ايتۋىنشا, قازىرگى كەزدە تەڭگە باعامىنا بىردەن بىرنەشە فاكتور قولداۋ كورسەتىپ وتىر. سونىڭ ىشىندە مۇناي باعاسىنىڭ جوعارى بولۋى ەكونوميكاعا ۆاليۋتالىق ءتۇسىم كولەمىن ارتتىرىپ, سىرتقى ساۋدا تەڭگەرىمىن جاقسارتقان.
بۇعان قوسا, مامىرداعى سالىق كەزەڭى كومپانيالاردىڭ تەڭگەگە دەگەن سۇرانىسىن كۇشەيتتى. مىندەتتەمەلەرىن ورىنداۋ ءۇشىن بيزنەس وكىلدەرىنە كوبىرەك ۇلتتىق ۆاليۋتا قاجەت بولعاندىقتان, ەكسپورتتان تۇسكەن ۆاليۋتالىق تابىستىڭ ءبىر بولىگى ىشكى نارىقتا ايىرباستالىپ جاتىر.
وسىنىڭ ناتيجەسىندە نارىقتاعى دوللار ۇسىنىسى ۋاقىتشا سۇرانىستان جوعارى قالىپتاستى. ساراپشىلار قازىرگى تەڭگە نىعايۋىنىڭ باستى سەبەبى وسى فاكتورلارمەن بايلانىستى ەكەنىن ايتادى.
«الەمدەگى ەڭ تارتىمدى ۆاليۋتانىڭ ءبىرى»: تيمۋر سۇلەيمەنوۆ تەڭگەنىڭ نىعايۋىنا قاتىستى پىكىر ءبىلدىردى
بولجامدا قازىرگى ديناميكا ءبىر رەتتىك قۇبىلىس ەمەس, نارىقتاعى تەپە-تەڭدىكتىڭ ناتيجەسى رەتىندە باعالانعان. مۇناي نارىعىنداعى قولايلى جاعداي ساقتالعان كەزدە ەكونوميكاعا كەلەتىن ۆاليۋتا كولەمى سىرتقى تولەمدەر قاجەتتىلىگىنەن اسىپ تۇسەدى. شيكىزاتتىق ەكونوميكا ءۇشىن بۇل ماڭىزدى كورسەتكىش سانالادى. سەبەبى باعام قىسقا مەرزىمدى ەموتسيالىق وزگەرىستەرگە ەمەس, ناقتى ۆاليۋتالىق ءتۇسىم اعىنىنا بەيىمدەلە باستاعان.
سونىمەن قاتار مامىردىڭ ەكىنشى جارتىسىنان كەيىن سالىق كەزەڭىنىڭ اسەرى السىرەۋى مۇمكىن. مۇنداي جاعدايدا نارىق يمپورتتىق تولەمدەرگە, ديۆيدەندتىك اۋدارىمدارعا جانە جاھاندىق سىرتقى فاكتورلارعا قايتادان تاۋەلدى بولا تۇسەدى.