ۇكىمەت ەنەرگەتيكا مينيسترلىگى مەن «Kazakhstan Success Coking Energy» جشس اراسىنداعى قاراعاندى وبلىسىندا مەتاللۋرگيالىق كوكس وندىرەتىن زاۋىت سالۋ بويىنشا ينۆەستيتسيالىق كەلىسىمدى ماقۇلدادى. پرەمەر-مينيستر ولجاس بەكتەنوۆ ءتيىستى قاۋلىعا قول قويدى, دەپ حابارلايدى Egemen.kz.
جوبا اياسىندا قاراعاندى وبلىسى, اباي اۋدانى, دۋبوۆكا اۋىلىندا قۋاتتىلىعى جىلىنا 1 ميلليون تونناعا دەيىن مەتاللۋرگيالىق كوكس وندىرەتىن كاسىپورىن سالۋ كوزدەلگەن.
جالپى جەكە ينۆەستيتسيا كولەمى 63,5 ملرد تەڭگەنى قۇرايدى. سونىمەن قاتار كاسىپورىندا 500 تۇراقتى جۇمىس ورنى اشىلادى, ال جەراستى شاحتاسىنىڭ قۇرىلىسى قوسىمشا 500 جۇمىس ورنىن قامتاماسىز ەتەدى.
جوبا كومىر شيكىزاتىن تەرەڭ وڭدەۋدى دامىتۋعا, جوعارى قوسىلعان قۇنى بار ءونىم شىعارۋعا جانە قازاقستاننىڭ ونەركاسىپتىك الەۋەتىن ارتتىرۋعا باعىتتالعان. ءونىم مەتاللۋرگيا, ەنەرگەتيكا, اۋىل شارۋاشىلىعى جانە فارماتسەۆتيكا سالالارىندا كەڭىنەن قولدانىلادى.
«زاۋىت قۇرىلىسى كومىر شيكىزاتىن تەرەڭ وڭدەۋدى دامىتۋعا, جوعارى قوسىلعان قۇنى بار ءونىم شىعارۋعا جانە قازاقستاننىڭ ونەركاسىپتىك الەۋەتىن نىعايتۋعا باعىتتالعان. كومىر حيمياسى ونىمدەرى ەنەرگەتيكا, اۋىل شارۋاشىلىعى, مەتاللۋرگيا, فارماتسەۆتيكا جانە باسقا دا سالالاردا كەڭىنەن قولدانىلادى. ىشكى نارىق تولىق قامتىلعان سوڭ, ارتىق ءونىم ەكسپورتقا شىعارىلادى», دەلىنگەن حابارلامادا.
راديواكتيۆتى قالدىقتارمەن جۇمىس ىستەيتىن ۇلتتىق وپەراتور ينستيتۋتى قۇرىلادى
العاشقى كەزەڭدە زاۋىت جىلىنا 500 مىڭ توننا كوكس وندىرەدى, ال 2031 جىلعا قاراي تولىق قۋاتقا شىعۋى جوسپارلانىپ وتىر. سونداي-اق ينۆەستور قۇرىلىس بارىسىندا وتاندىق وندىرۋشىلەردىڭ تاۋارلارىن, جۇمىس كۇشىن جانە قىزمەتتەرىن پايدالانۋعا باسىمدىق بەرۋگە مىندەتتەمە الادى.
ەسكە سالا كەتەيىك, بۇعان دەيىن ماركەتپلەيستەرگە «قازاقستاندا جاسالعان» بەلگىسى بار وتاندىق تاۋار تاڭباسىن ەنگىزۋ مىندەتتەلگەن بولاتىن.
نۇربولات امانبەك