ەۋرازيالىق ەكونوميكالىق وداققا (ەاەو) مۇشە ەلدەر اراسىندا قازاقستان ونەركاسىپ ءوندىرىسىنىڭ ءوسىمى بويىنشا الدىڭعى قاتاردان كورىندى. ەۋرازيالىق ەكونوميكالىق كوميسسيا (ەەك) جاريالاعان مالىمەتكە سايكەس, 2025 جىلدىڭ قاڭتار-جەلتوقسان ايلارىندا ەلىمىزدەگى ونەركاسىپ ءوندىرىسىنىڭ كولەمى 2024 جىلدىڭ وسى كەزەڭىمەن سالىستىرعاندا 7,5%-عا ارتقان, دەپ حابارلايدى Egemen.kz.
ەەك دەرەگىنە سۇيەنسەك, 2025 جىلى ەاەو ەلدەرىندەگى ونەركاسىپ ءوندىرىسىنىڭ جالپى كولەمى وتكەن جىلدىڭ دەڭگەيىمەن سالىستىرعاندا 101,6% بولعان. وسىلايشا, قازاقستان وداق ەلدەرى اراسىنداعى ەڭ جوعارى ءوسىم كورسەتكەن مەملەكەتتەردىڭ ءبىرى اتاندى. كوش باسىندا ونەركاسىپ ءوندىرىسى 10,6%-عا وسكەن قىرعىزستان تۇر.
جىل قورىتىندىسى بويىنشا ارمەنيادا ونەركاسىپ ءوندىرىسى 4,7%-عا, رەسەيدە 1,3%-عا وسكەن. ال ەاەو كەڭىستىگىندە ءوندىرىس كولەمى تومەندەگەن جالعىز ەل – بەلارۋس. ونداعى كورسەتكىش 1,8%-عا ازايعان.
ەاەو ەلدەرىنىڭ 100 مىڭنان استام ازاماتىنا زەينەتاقى جارناسى تولەندى
كوميسسيا 2025 جىلدىڭ جەلتوقسان ايىنداعى كورسەتكىشتەردى دە ۇسىندى. قازاقستاندا ونەركاسىپ ءوندىرىسى 2024 جىلدىڭ جەلتوقسانىمەن سالىستىرعاندا 8,1%-عا ارتقان. ال 2025 جىلدىڭ قاراشاسىمەن سالىستىرعاندا ءوسىم 10,4% بولعان.
جالپى ەاەو بويىنشا جەلتوقسانداعى ونەركاسىپ ءوندىرىسى ءبىر جىل ىشىندە 3,9%-عا ۇلعايعان. بۇل كەزەڭدە ەڭ جوعارى ءوسىم ارمەنيادا تىركەلىپ, كورسەتكىش بىردەن 38,6%-عا جەتكەن. قىرعىزستاندا ءوسىم 10,4%, قازاقستاندا 8,1%, رەسەيدە 3,7% بولعان. بەلارۋستا, كەرىسىنشە, ءوندىرىس كولەمى 2,9%-عا تومەندەگەن.
ەسەپتە 2024 جىلى ەاەو ەلدەرىندەگى ونەركاسىپ ءوندىرىسى 2023 جىلمەن سالىستىرعاندا جالپى 5%-عا وسكەنى ايتىلعان. سول جىلى قازاقستاندا دا وڭ ديناميكا ساقتالىپ, ءوسىم 2,8% بولعان.
ەەك جاريالاعان ستاتيستيكالىق مالىمەتتەردىڭ الدىن الا ەكەنى جانە كەيىن ناقتىلانۋى مۇمكىن ەكەنى اتاپ ءوتىلدى. سونداي-اق كوميسسيا رەسەيدىڭ 2024-2025 جىلدارعا ارنالعان ونەركاسىپ ءوندىرىسى ستاتيستيكاسىن ناقتىلاۋىنا بايلانىستى ەاەو بويىنشا دەرەكتەردىڭ قايتا ەسەپتەلگەنىن حابارلادى.
ولجاس بەكتەنوۆ ەاەو اۋماعىندا جۇك تاسىمالىن رەتتەيتىن جي پلاتفورماسىن قۇرۋدى ۇسىندى