استانادا «تاۋەلسىزدىك داڭعىلىن ء(ال-فارابي) جالعاستىرۋ قۇرىلىسى» جوباسى اياسىندا بىرقاتار كوشەدە كولىك قوزعالىسىنا ۋاقىتشا شەكتەۋ ەنگىزىلەدى. قالا اكىمدىگىنىڭ مالىمەتىنشە, 25 مامىردان باستاپ جىل سوڭىنا دەيىن ءال-فارابي داڭعىلى مەن ف. وڭعارسىنوۆا كوشەسىنىڭ قيىلىسىندا قوزعالىس تولىقتاي جابىلادى, دەپ حابارلايدى Egemen.kz.
اكىمدىك تاراتقان اقپاراتقا سايكەس, كولىك قۇرالدارىنىڭ بۇرىلۋى ءال-فارابي داڭعىلى جانە ف. وڭعارسىنوۆا كوشەسى بويىمەن اتالعان قيىلىسقا دەيىن ۇيىمداستىرىلادى.
سونىمەن قاتار 14 مامىردان باستاپ ءال-فارابي داڭعىلى مەن حۋسەين بەن تالال كوشەسىنىڭ قيىلىسىندا دا قوزعالىس ۋاقىتشا شەكتەلەدى.
قازاقستان جولدارىندا جۇرگىزۋشىسىز كولىكتەر پايدا بولادى
قالا بيلىگىنىڭ مالىمەتىنشە, بۇل اۋماق قۇرىلىس ايماعىنا جاتادى جانە قازىرگى ۋاقىتتا مۇندا اسفالت توسەلمەگەن. وسىعان بايلانىستى اتالعان ۋچاسكەدە كولىك قوزعالىسىنىڭ قارقىنى تومەن.
جاس عالىم جولداعى اقاۋدى تاباتىن قۇرىلعى ويلاپ تاپتى
ۋاقىتشا وزگەرىستەر كەزىندە كولىكتەردىڭ بۇرىلۋى قيىلىسقا دەيىن جۇزەگە اسىرىلادى. جۇك كولىكتەرىنىڭ قوزعالىسى ساقتالادى. الايدا قۇرىلىس جۇمىستارىنىڭ جەكەلەگەن كەزەڭدەرىندە وعان ۋاقىتشا شەكتەۋ قويىلۋى مۇمكىن.
اكىمدىك جۇرگىزۋشىلەر مەن جاياۋ جۇرگىنشىلەرگە باعىتتارىن الدىن الا جوسپارلاپ, بالاما جولداردى پايدالانۋعا كەڭەس بەردى.