وقۋشىلاردى قولداۋعا ارنالعان اكتسيا

ەلىمىزدىڭ بارلىق وڭىرىندە داس­تۇر­گە اينالعان «مەكتەپكە جول» رەس­پۋب­ليكالىق قايىرىم­دى­لىق اكتسياسى باس­تالدى. اتالعان اكتسيانى وقۋ-اعارتۋ مينيسترلىگى 2008 جىلدان بەرى جىل سا­يىن 1 تامىز بەن 30 قىركۇيەك ارالىعىندا وتكىزىپ كەلەدى. قايىرىمدىلىق اكتسياسى از قامتىلعان جانە كوپ­با­لالى وتباسىلاردان شىققان, سون­داي-اق اسىراۋشىسىنان ايى­رىل­عان ەرەكشە ءبىلىم بەرۋدى قاجەت ەتەتىن بالالارعا الەۋمەتتىك قول­داۋ كورسەتۋگە باعىتتالعان. مينيستر­لىكتىڭ مالىمەتىنشە, بيىل «مەكتەپكە جول» اكتسياسى اياسىندا دەمەۋشىلەر مەن مەتسەنات­تار­دىڭ كومەگىمەن 200 مىڭنان استام وقۋشىعا 3 ملرد تەڭگە­دەن استام قاراجاتقا كومەك كورسەتۋ كوز­دەلىپ وتىر.

«15 جىلدان بەرى جالعاسىپ كەلە جاتقان «مەكتەپكە جول» اكتسيا­سى مۇقتاج جان­دارعا قول­داۋ كورسەتۋگە جانە جاڭا وقۋ جىلى قارساڭىندا بارلىق بالا­نىڭ مەرەكەلىك اتموسفەراسىن قۇرۋ­عا­ مۇمكىندىك بەرمەك. وتكەن جىلى دا دەمەۋ­شى­لەر مەن مەتسەناتتار 3 ملرد 781 ملن تەڭ­گە كولە­مىندەگى سوماعا 204 مىڭنان استام وقۋشىعا كومەك كورسەتكەن. ءبىز ومىرلىك قيىن جاعدايعا تاپ بولعان وتباسىلار مەن بالالارعا بەيجاي قارامايتىن, جۇرەگى كەڭ ازاماتتاردىڭ اتالعان اكتسياعا بەلسەندى قاتىسۋعا شاقىرامىز», دەدى بالالاردىڭ قۇقىقتارىن قورعاۋ كوميتەتىنىڭ توراعاسى ناسىمجان وسپانوۆا.

اكتسيا بارىسىندا كومەككە مۇق­تاج جاندار ءۇشىن كوميتەتتە «74-25-28» جەدەل جەلى تەلەفونى,­ سونداي-اق «BALA QORǴAÝ» telegram چاتى جۇمىس ىستەيدى.

«وتباسىلار جالپىعا ءبىلىم بەرۋ قورىنان العان كومەكتەن بولەك, «مەك­تەپكە جول» قايىرىم­دى­لىق اكتسياسى اياسىندا كومەك الىپ كەلەدى. بۇل اكتسيا ءداستۇرلى قوعام­دىق قوزعالىسقا اينالدى. بيىل اتالعان ءىس-شارا 1-30 قىر­كۇيەك ارالىعىندا «جاقسىلىق جاسا!» ۇرانىمەن وتەتىن بولادى. اكتسيا بارىسىندا ازاماتتاردىڭ وتىنىشتەرىنە باسا نازار اۋدارۋ ءۇشىن ءبىلىم بەرۋ ۇيىمدارىنداعى قوعامدىق قابىلداۋ بولمەلەرىندە ۇزدىكسىز «جەدەل جەلى» جۇمىسى ۇيىمداستىرىلدى. بۇدان بولەك, ءىرى ساۋدا ورتالىقتارىندا مۇقتاج وقۋشىلارعا گۋمانيتارلىق كومەك كورسەتۋ پۋنكتتەرى اشىلدى», دەدى وقۋ-اعارتۋ ۆيتسە ءمينيسترى ەدىل وسپان.

سونىمەن قاتار ەلىمىزدە مۇق­تاج وتباسىلارعا قارجىلاي كومەك كور­سەتۋ جانە بالالاردىڭ ءبىلىم الۋ قۇ­قىعىن 100 پايىز قامتاماسىز ەتۋ ءۇشىن ارنايى قۇرىلعان جال­پى­عا بىردەي ءبىلىم بەرۋ قورى بار. بەلگىلەنگەن تارتىپكە ساي جال­پىعا بىردەي ءبىلىم بەرۋ قورى اياسىندا اتاۋلى الەۋمەتتىك كو­مەك اتا-انا قامقورلىعىنان ايى­رىل­­عان, جەتىم بالالار مەن جان با­سىنا شاققاندا تابىسى ەڭ تو­مەن­گى كۇنكورىس دەڭگەيىنەن از جانە الەۋمەتتىك كومەككە قۇقى­­لى وتباسىلارعا بەرىلەدى. مينيستر­لىك مالىمەتىنشە, بيىل قور­دان وقۋ­­شىلار ءۇشىن مەكتەپ فور­ما­سى­­ مەن وقۋ قۇرالدارىن ساتىپ الۋ­عا 18,7 ملرد تەڭگە بولى­ن­­ەدى. ال ءاربىر ءبىلىم الۋشىعا بەرى­لە­­تىن ماتەريالدىق كومەكتىڭ ەڭ تو­مەن­گى مولشەرى – 40 567 تەڭ­گە.­ رەس­پۋبليكا بويىنشا كومەك كو­ر­­­سەتۋدىڭ ەڭ جوعارى مولشەرى پاۆ­­لو­دار وبلىسىندا – 47,3 مىڭ تەڭگە.

ە.وسپاننىڭ ايتۋىنشا, حا­لىق­تىڭ­ الەۋمەتتىك وسال سانا­تىن­داعى 450 مىڭنان استام بالاعا قار­جى­لاي قارجى­لاي كومەك بەرىلەدى. وتكەن جىلعى ۇكى­مەت قاۋلىسىنا ەنگىزگەن وزگە­رىسكە سايكەس اتا-انالار مەن بالا­لار مەكتەپ فورماسىن, اياقكيىمدى, كەڭسە تاۋارلارىن جانە جەت­كىزۋ­شىلەردى وزدەرى تاڭداۋ ءۇشىن ولار­دىڭ ەسەپشوتىنا قارجى اۋدارىلادى.

ء«اربىر ءبىلىم الۋشىعا كيىم, وقۋ قۇرالدارىن ساتىپ الۋعا ارنال­عان قاراجاتتىڭ ەڭ تومەنگى مولشەرى 40 567 تەڭگە بولىپ تاعايىندالدى. ەستەرىڭىزگە سالا كەتەيىك, بۇعان دەيىن بولىنگەن سوما 17 مىڭنان باستالىپ, تۇرلىشە وزگەرگەن بولسا, بيىل بارلىق ءوڭىر ءۇشىن 40,6 مىڭ تەڭگەدەن باستاپ مەكتەپ جيىنتىعىن ساتىپ الۋعا قارجى قاراستىرىلىپ وتىر. بۇگىندە ءبىلىم باسقارماسى وتباسىنداعى ءاربىر وقۋشىعا مەكتەپ جيناقتارىن ساتىپ الۋ ءۇشىن اتا-اناسىنىڭ نەمەسە ولاردى الماستىراتىن تۇلعالاردىڭ ەسەپشوتىنا اقشا اۋدارۋ ۇستىندە. اتا-انالار اتالعان تاۋارلاردى ساتىپ العاننان كەيىن ونى راستايتىن قۇجاتتى ۇسىنۋى كەرەك. ماتەريالدىق كومەكتى الۋ ءۇشىن ءار اتا-انا مەكتەپ ديرەكتورىنىڭ اتىنا ءوتىنىش جازۋى شارت. سونداي-اق وڭىرلەردە «اتامەكەن» كاسىپكەرلەر پالاتاسىمەن بىر­لە­­سىپ, مەكتەپ جارمەڭكەلەرى ۇيىم­­داستىرىلادى. ماسەلەن, اۆتو­دۇكەندەردە جەڭىلدەتىلگەن باعا­مەن مەكتەپ كيىمدەرى مەن كەڭسە تاۋار­لارى ساتىلادى. اتالعان جۇمىس­تار بارلىق وبلىستا تامىز ايىنىڭ سوڭىنا دەيىن اياقتالماق», دەدى ە.وسپان.