«توبىل» ۋەفا كونفەرەنتسيا ليگاسىنىڭ ءۇشىنشى كەزەڭىنە ءوتتى

قوس قارسىلاس العاشقى تايمنىڭ ورتاسىنا دەيىن تەكەتىرەس ويىن كورسەتتى. جيىرما التىنشى مينۋتتا قوناقتاردىڭ ورتادان ۇيىمداستىرعان وتكىر شابۋىلىنىڭ ناتيجەسىندە جارتىلاي قورعاۋشى انتون كادە ەسەپ اشتى. ەسەپ – 0:1.

ويىننىڭ وتىز ءبىرىنشى مينۋتىندا الاڭ يەلەرى ءوز ايىپ الاڭىندا ءتارتىپ بۇزىپ, تورەشى 11 مەترلىك ايىپ سوققىسىن بەلگىلەدى. «بازەلدىڭ» بويشاڭ شابۋىلشىسى جان-كەۆين وگۋستين ءمۇلت كەتپەدى. ەسەپ 0:2-گە جەتتى.

قىرىق ءۇشىنشى مينۋتتاعى وڭتايلى ءساتتى پايدالانىپ شابۋىلعا شىققان  «توبىلدىڭ» افريكالىق لەگيونەرى سەرج دەبلەنىڭ ەكپىنىنە ەشكىم توسقاۋىل بولا المادى. قوناقتار ءوز قاقپاسىنا تونگەن الا دوپتى قولمەن توقتاتۋعا ءماجبۇر بولدى. «بازەلدىڭ» ايىپ الاڭىندا بەلگىلەنگەن ون ءبىر مەترلىك ايىپ سوققىسىن سەردج دەبلەنىڭ ءوزى ءساتتى ورىندادى.

جالپى ەسەپ - 4:3. كونفەرەنتسيا ليگاسىنىڭ ءۇشىنشى كەزەڭىنە وتكەن «توبىل» ەندى سولتۇستىك يرلانديانىڭ «دەرري سيتي» كومانداسىمەن وتكىزەدى.