بۇل تۋرالى حابار بقو اقساي قالاسى اكىمدىگىنىڭ Facebook پاراقشاسىندا جاريالانعان. رەسەيدىڭ سمولەنسك وبلىسىندا بەيىتتەن سۇيەكتەر شىعارۋ جۇمىستارى بارىسىندا ەكىنشى دۇنيەجۇزىلىك سوعىستا قازا تاپقان 1902 جىلى تۋعان ۋرناساي ميراسوۆتىڭ سۇيەگى انىقتالدى. قازاقستاندا تۋعان جاۋىنگەردىڭ جەكە زاتتارىن تابىستاۋ ءۇشىن تۋىستارى ىزدەستىرىلۋدە, دەپ حابارلايدى Egemen.kz.
باتىس قازاقستان وبلىسى, ءبورلى اۋدانى, قىزىلتال اۋىلىندا دۇنيەگە كەلگەن ۋرناساي ميراسوۆ سوعىس كەزىندە 516-اتقىشتار ديۆيزياسىنىڭ قۇرامىندا 716-اتقىشتار پولكىندە قاتارداعى جاۋىنگەر بولىپ قىزمەت ەتكەن. دەرەكتەرگە سايكەس, ول 1943 جىلى 3-ءىنشى تامىزدا ەگ 4864 گوسپيتالىندە اۋرۋدان قايتىس بولعان. جۇبايىنىڭ ەسىمى - پروسكوۆيا ميراسوۆا.
«ۋرناساي ميراسوۆتىڭ جەكە زاتتارىن تابىستاۋ ءۇشىن تۋىستارىن ىزدەيمىز», دەلىنگەن اكىمدىكتىڭ پاراقشاسىندا.
بارلىق سۇراقتار بويىنشا 8 (777) 696 51 41, 8 (777) 567 77 98 تەلەفوندارىنا حابارلاسىڭىز.
جاۋىنگەردىڭ سۇيەگىن «اتامنىڭ اماناتى» قوعامدىق ۇيىمى رەسەيدىڭ ىزدەۋ قوزعالىسىمەن بىرگە تاپقان.