ونلاين ديپلوم

ونلاين ديپلوم «CROCOS» اقپارات جۇيەسى ارقىلى جاسالعان. QR كودتا ءبىتىرۋشى تۇلەكتىڭ بارلىق دەرەگى جيناقتالادى. ديلومنىڭ تاعى ءبىر ارتىقشىلىعى – جۇمىس بەرۋشىگە ونىڭ جالعان نەمەسە شىن ەكەنىن جىلدام تەكسەرۋگە مۇمكىندىك بەرەتىنىندە. «CROCOS digital solutions» كومپانياسى قازاقستان ۋنيۆەرسيتەتتەرىنىڭ قاجەتتىلىكتەرىن تالداي وتىرىپ, ديپلومداردىڭ تۇپنۇسقالىعىن تەكسەرۋ جۇيەسىن ازىرلەگەن. جو­عارى وقۋ ورىندارى تۇلەكتەرگە بەرىلەتىن ديپلومداردى QR-كودتىڭ كومەگىمەن تاڭبالاپ, ستۋ­دەنت پەن ديپلوم تۋرالى بار­لىق اقپاراتتى قورعالعان سەرۆەردە ساقتاي الادى. سونداي-اق QR-كودتا قۇجاتتى جانە ونىڭ ءنومىرىن تەكسەرۋ ءۇشىن سايت­تىڭ بەتىنە سىلتەمە كودتالادى. سمارت­فوننىڭ كومەگىمەن قۇجاتتىڭ تۇپ­نۇسقالىعىن وڭاي ءارى تەز تەكسەرۋگە بولادى.

– QR-كود ديپلومنىڭ تۇپنۇس­قالىعىن تەكسەرۋگە مۇمكىندىك بەرەدى. ول قۇجاتتىڭ يەسى تۋرالى دە­رەكتەر, وقۋ ورنى تۋرالى اق­پارات پەن ۇلتتىق ءبىلىم بەرۋ دەرەكتەر قورىنان الىنعان قۇ­جات دەرەكتەمەلەرى كورسەتىلەتىن مەم­لەكەتتىك ينتەرنەت-رەسۋرسقا سىلتەمە بەرەدى. QR-كودتا تۇلەكتى سايكەستەندىرۋگە مۇمكىندىك بەرە­تىن مالىمەتتەر: تۇلەكتىڭ اتى-ءجونى, ۇيىمنىڭ اتاۋى, تۇسكەن/بى­تىر­گەن جىلى, ماماندىعى مەن بىلىكتىلىگىنىڭ اتاۋى, وقىتۋ نىسانى, ديپلومنىڭ سەرياسى مەن ءنومىرى بەرىلەدى, – دەدى وقۋ-اعارتۋ ۆيتسە-ءمينيسترى ايبات ءىلياسوۆ.

ونلاين ديپلومنىڭ تاعى مىناداي ارتىقشىلىقتارى بار: بوس لاۋازىمدارعا ۇمىتكەرلەردى تاڭداۋ بويىنشا جۇمىس بەرۋشىلەردى تەكسەرۋدى جەڭىلدەتەدى; جوعارى وقۋ ورىندارى اراسىنداعى باسە­كە­لەس­تىكتى ارتتىرادى; ديپلومدى قول­دان جاساۋعا مۇمكىندىك بەر­مەيدى.

سونىمەن قاتار قۇجات تسيفرلان­دىرىلعاننان كەيىن مەملەكەتتىك ديپلوم ۇلگىلەرى الىنىپ تاستالدى. ياعني مينيسترلىك تاراپىنان ءمور قويىلمايتىندىقتان, جوعارى وقۋ ورىندارى ديپلومنىڭ ديزاينى مەن فورماتىن وزگەرتە الادى. وزگە دە قۇجاتتار سەكىلدى ديپلومدى دا eGov ەلەكتروندى ۇكىمەت پورتالى مەن eGov mobile قوسىمشاسىنداعى تسيفرلىق قۇجاتتار سەرۆيسى ارقىلى نەمەسە ەكىنشى دەڭگەيدەگى بانكتەردىڭ قوسىمشالارى ارقىلى الۋعا بولادى. وقۋ-اعارتۋ مينيسترلىگىنىڭ مالىمەتىنشە, بيىل كوللەدج ءبىتىرىپ جاتقان 140 مىڭنان استام تۇلەك QR-كودى بار ديپلوم الادى.