قىزىلوردا وبلىسىندا پرەمەر-ءمينيستردىڭ ورىنباسارى-ساۋدا جانە ينتەگراتسيا ءمينيسترى سەرىك جۇمانعاريننىڭ توراعالىعىمەن الەۋمەتتىك ماڭىزى بار ازىق-ت ۇلىك ونىمدەرىنىڭ باعاسىن تۇراقتاندىرۋ بويىنشا رەسپۋبليكالىق كەڭەس ءوتتى. تالقىلاۋعا مۇددەلى ورتالىق, وبلىستىق مەملەكەتتىك ورگاندار مەن بيزنەس-قوعامداستىقتىڭ وكىلدەرى قاتىستى. كەڭەس ۆيتسە-پرەمەردىڭ وڭىرگە جۇمىس ساپارى اياسىندا ءوتتى, دەپ حابارلايدى Egemen.kz اشم ءباسپاسوز قىزمەتىنە سىلتەمە جاساپ.
اۋىل شارۋاشىلىعى ۆيتسە-ءمينيسترى ەربول تاسجۇرەكوۆ فورۆاردتىق ساتىپ الۋدىڭ جاڭا تەتىكتەرى تۋرالى باياندادى. اتاپ ايتقاندا, فورۆاردتىق شارتتار جاساۋ مۇمكىندىگى ءۇشىن اۋىل شارۋاشىلىعى ونىمدەرىنىڭ ءتىزىمىن كەڭەيتۋ تۋرالى ءسوز بولدى. ءتىزىم قاراقۇمىق جارماسى, كۇرىش, كۇنباعىس مايى, ۇن جانە قانتپەن تولىقتىرىلدى.
ۆيتسە-مينيستر كۇرىش, قاراقۇمىق جارماسى جانە كۇنباعىس مايى بويىنشا كۇزگى ەگىن شيكىزاتىن ساتىپ الۋ ءۇشىن وڭدەۋ كاسىپورىندارىن فورۆاردتىق قارجىلاندىرۋدى جۇزەگە اسىرۋ ۇسىنىلاتىنىن ءتۇسىندىردى.
«بۇل باعدارلاماعا ساۋدا جەلىلەرىنىڭ ورنىنا كوبىرەك وندىرۋشىلەردى تارتۋ جانە دەلدالداردى الىپ تاستاۋ ءۇشىن ۇلگىلىك قاعيدالاردا اۋىل شارۋاشىلىعى تاۋارىن وندىرۋشىلەر مەن قايتا وڭدەۋ كاسىپورىندارىن قارجىلاندىرۋدىڭ 70% باعىتى بويىنشا تالاپتار بەلگىلەنگەن.
وسىلايشا, اعىمداعى مەملەكەتتىك قولداۋ شارالارىمەن قاتار فورۆاردتىق ساتىپ الۋ تەتىگى فەرمەرلەرگە بولاشاقتا جەڭىلدەتىلگەن قارجىلاندىرۋعا قول جەتكىزۋگە جانە ءوز ونىمدەرىن كەپىلدىكپەن ساتۋعا مۇمكىندىك بەرەدى», دەپ اتاپ ءوتتى ەربول تاسجۇرەكوۆ.
وسى ماقساتقا اكك قاراجاتى باعىتتالۋى مۇمكىن.
«جالپى, اوك-ءتى مەملەكەتتىك قولداۋ كولەمى جىل سايىن ارتىپ كەلەدى. بيىل سالانى سۋبسيديالاۋعا 400 ملرد تەڭگەدەن استام قاراجات جۇمسالدى. سونىمەن قاتار مەملەكەت بىرقاتار تاۋار توپتارىن وندىرۋگە كەتەتىن شىعىنداردى ارزانداتادى», دەپ تولىقتىردى ۆيتسە-مينيستر.