اقتوبە وبلىسىندا جول-كولىك وقيعاسى سالدارىنان ءتورت شەتەلدىك كوز جۇمىپ, تاعى ءتورت ادام زارداپ شەكتى, ونىڭ ىشىندە ەكى بالا بار, دەپ حابارلايدى Egemen.kz.
وبلىستىق پوليتسيا دەپارتامەنتى ۇسىنعان اقپاراتقا سايكەس, وقيعا 21 ماۋسىم كۇنى تاڭعى ساعات 8:15 شاماسىندا «سامارا-شىمكەنت» تاس جولىنىڭ 631 شاقىرىمىندا قوبدا اۋىلىنىڭ ماڭىندا بولعان.
«Hyundai Starex اۆتوكولىگىنىڭ جۇرگىزۋشىسى تاجىكستان رەسپۋبليكاسىنىڭ ازاماتى رۋلگە يە بولا الماي, اۋدارىلىپ قالعان», دەپ حابارلادى اقتوبە وبلىسى پد ءباسپاسوز قىزمەتى.
وقيعا سالدارىنان ەكى جولاۋشى, ونىڭ ىشىندە 15 جاستاعى قىز وقيعا ورنىندا جان تاپسىردى. التى ادام ءتۇرلى دەنە جاراقاتتارىمەن قوبدا اۋدانىنىڭ ورتالىق اۋداندىق اۋرۋحاناسىنا جەتكىزىلدى. كامەلتكە تولماعان ەكى بالا اۋرۋحانادا كوز جۇمدى.
الدىن الا بولجام بويىنشا, كولىك جۇرگىزۋشىسى كولىكتى شارشاعان كۇيدە باسقارعان.