بۇگىن ءماجىلىس دەپۋتاتتارى ۇلتتىق قوردان بالالارعا تولەم جاساۋ ماسەلەلەرى بويىنشا تۇزەتۋلەردى ءبىرىنشى وقىلىمدا قارادى, دەپ حابارلايدى Egemen.kz.
اتالمىش جوبا مەملەكەت باسشىسىنىڭ تاپسىرماسى اياسىندا ازىرلەنگەن.
زاڭ جوباسىنىڭ ماقساتى – ۇلتتىق قوردىڭ جىل سايىنعى ينۆەستيتسيالىق كىرىسىنەن بالالارعا اقشالاي جيناق تۇرىندە مەملەكەتتەن العاشقى كومەك بەرۋ, كامەلەتتىك جاسقا تولعاندا بالالارعا تۇرعىن ءۇي جاعدايىن جاقسارتۋ نەمەسە ءبىلىم الۋ مۇمكىندىگىن بەرۋ.
18 جاسقا تولعاننان كەيىن شوتتاعى قاراجات 10 جىل بويى ساقتالادى. كورسەتىلگەن كەزەڭدە ازامات تاراپىنان تالاپ ەتىلمەگەن جاعدايدا شوتتاعى قاراجاتتى سول ادامنىڭ زەينەتاقى شوتىنا اۋدارۋ ۇسىنىلادى.
جوباعا قاتىسۋ ءۇشىن قانداي دا ءبىر مەملەكەتتىك ورگانعا جۇگىنۋدىڭ قاجەتى جوق, ەسەپتەۋلەر اۆتوماتتى تۇردە جۇزەگە اسىرىلادى, ەسەپكە الۋدى بجزق جۇرگىزەدى.
جيناقتالعان قاراجاتتى ون سەگىز جاسقا تولعاننان كەيىن عانا پايدالانۋعا بولادى جانە تولەنەتىن قاراجات سالىق سالۋدان بوساتىلادى.