«جارقىن جاز» جوباسى

– بالالار بوس ۋاقىتىن ءماندى دە, ما­عى­نالى وتكىزۋگە ءتيىس دەپ ويلايمىز. قازىرگى بالاقايلار شەتەلدىك ­مۋلت­سەريالداردىڭ كەيىپكەرلەرىن جاق­سى كورەدى. ال ءوزىمىزدىڭ الدار كوسەنى بىلمەيدى. سوندىقتان بالعىندار ارا­سىندا حالىق اۋىز ادەبيەتىندەگى ەرتە­گىلەردىڭ كەيىپكەرلەرىن كوبىرەك ناسي­حاتتاعىمىز كەلەدى. مۇنداعى ماق­ساتىمىز – كەيىنگى جاس بۋىننىڭ ساناسىنا ۇلتتىق قۇندىلىقتارى­مىز­دى ءسىڭىرۋ, – دەيدى «قوعامدىق كەلىسىم» مەملەكەتتىك مەكەمەسىنىڭ باسشىسى ناتاليا رامازانوۆا.

جوبانىڭ تۇساۋكەسەر ءىس-شاراسى قا­لانىڭ ورتالىق الاڭىندا, اشىق اسپان استىندا ءوتتى. وعان ەتنوما­دەني بىرلەستىككە مۇشە بالالار, باستا­ۋىش سىنىپ وقۋشىلارى مەن بالاباق­شا جاسىنداعى بالعىندار قاتىستى. مەرە­كەلىك ءىس-شارا بارىسىندا بالا- لار اراسىندا ءتۇرلى بايقاۋلار مەن كوڭىل­دى جارىستار ۇيىمداستىرى­لىپ, ونەرپازدار ءان ايتىپ, كۇي تارت­تى. ۇيىمداستىرۋشىلار كوپشىلىك ال­دىندا ونەر كورسەتكەن تالاپتى بالالار­عا ءبىر-ءبىر سىيلىق ۇستاتىپ جات­تى. ال نەمىس ەتنومادەني بىر­لەس­تىگىنىڭ وكىلدەرى ءىس-شارانىڭ باسىن­داعى بالعىنداردىڭ بارىنە بالمۇز­داق ۇلەستىردى.

قوستاناي