بۇگىن ۇكىمەت وتىرىسىندا وقۋ-اعارتۋ ءمينيسترى عاني بەيسەمباەۆ مينيسترلىكتىڭ ماڭىزدى مىندەتتەرىنىڭ ءبىرى – بيىلعى وقۋ جىلىن تابىستى اياقتاۋ جانە بالالاردىڭ جازعى دەمالىسى مەن ساۋىقتىرۋىن ساپالى ۇيىمداستىرۋ ءارى قاۋىپسىزدىگىن تولىق قامتاماسىز ەتۋ ەكەنىن ايتتى, دەپ حابارلايدى Egemen.kz.
بيىلعى جاڭالىق - ەلىمىزدە وقۋ جىلى (34 اپتادان) 36 اپتاعا دەيىن ۇزارتىلعانى. وسىعان ساي وقۋ جىلى بيىل 31 مامىردا اياقتالادى.
بۇل شەشىمنىڭ باستى نەگىزدەرى رەتىندە مينيستر مىنالاردى اتادى:
بالالاردىڭ وتباسىندا كوبىرەك ۋاقىت وتكىزۋىنە قاتىستى اتا-انالار وتىنىشتەرىنىڭ ەسكەرىلۋىنە بايلانىستى 5 كۇندىك وقۋ اپتاسىنا كوشۋ; وقۋشىلارعا جۇكتەمەنى ازايتۋ جونىندەگى ساراپشىلار ۇسىنىستارىنىڭ قابىلدانۋى; وقۋ اپتاسىنىڭ ۇزاقتىعىن ەكونوميكالىق ىنتىماقتاستىق جانە دامۋ ۇيىمىنىڭ ستاندارتتارىنا سايكەستەندىرۋ.«ەگەر الەمدىك تاجىريبەگە نازار اۋدارساق, وەسر ەلدەرىندە وقۋ جىلى - 40 اپتا. وسىعان وراي الەم وقۋشىلارى جازعى كانيكۋلدا 77 كۇن عانا دەمالسا, ەلىمىزدىڭ وقۋشىلارى ءۇشىن 13 اپتا نەمەسە 90 كۇن دەمالىس بەلگىلەنگەن», دەدى مينيستر.