الماتى وبلىسى بويىنشا سىبايلاس جەمقورلىققا قارسى قىزمەت قر تجم «قازسەلدەنقورعاۋ» مم باسشىلارىنا قاتىستى سوتقا دەيىنگى تەرگەۋدى اياقتادى, دەپ حابارلايدى Egemen.kz ANTIKOR ءباسپاسوز قىزمەتىنە سىلتەمە جاساپ.
ولار ورىندالعان جۇمىستار اكتىلەرىنە قول قويعانى جانە جالپى «قامقورلىعى» ءۇشىن كاسىپكەرلەردەن سوماسى 396 ملن تەڭگەگە ىرى جانە اسا ءىرى مولشەردە پارا العانى ءۇشىن ايىپتالدى.
تەرگەۋ سوتىنىڭ سانكتسياسىمەن كۇدىكتىلەر قاماۋدا وتىر.
«قازىرگى ۋاقىتتا قىلمىستىق ءىس قر قپك 300-بابى تارتىبىندە سوتقا جىبەرۋ تۋرالى ماسەلەنى شەشۋ ءۇشىن الماتى وبلىسىنىڭ پروكۋراتۋراسىنا بەرىلدى. تەرگەۋ مۇددەسى ءۇشىن وزگە اقپارات جاريا ەتۋگە جاتپايدى», دەلىنگەن ۆەدومستۆو حابارلاماسىندا.
سونىمەن بىرگە, كونستيتۋتسيانىڭ 77-بابى 3-تارماعىنىڭ 1-تارماقشاسىنا جانە قىلمىستىق-پروتسەستىك كودەكسىنىڭ 19-بابى 1-بولىگىنە سايكەس, قىلمىستىق قۇقىق بۇزۋشىلىق جاساۋداعى كىناسى سوتتىڭ زاڭدى كۇشىنە ەنگەن ۇكىمىمەن بەلگىلەنگەنگە دەيىن ءاربىر ادام كىناسىز دەپ ەسەپتەلەدى.