ورمان كوشەت ەگۋدەن باستالادى

جيىنعا قازاقستاننىڭ ەكو­لوگيا­لىق قورىنىڭ ماماندارى, اقپارات جانە قوعامدىق دامۋ مينيسترلىگىنىڭ, ازا­مات­تىق باستامالاردى قولداۋ ورتا­لىعىنىڭ وكىلدەرى, اۋليەكول اۋدانىنىڭ اكىمى, دەپۋتاتتار, ەكولوگيالىق ۇيىمدار مەن جالپى ءبىلىم بەرەتىن مەكەمەلەردىڭ وكىلدەرى قاتىستى.

وتىرىسقا قاتىسۋشىلار قور­شاعان ورتانىڭ بالالاردىڭ دەن­ساۋلىعىنا اسەرى, ولاردى شەشۋ جول­دارى تۋرالى ماسەلەلەردى دە قوزعادى. ال قازاقستان ەكولو­گيا­لىق قورىنىڭ پرەزيدەنتى ايگۇل ابدۋاليەۆا ەكولوگيالىق ءبىلىمدى ىلگەرىلەتۋدىڭ ماڭىزىن اتاپ ءوتىپ, قوردىڭ الداعى جۇمىس جوسپارىمەن تانىستىردى.

«قوردىڭ ماڭىزدى مىندەت­تە­رى­نىڭ ءبىرى – ورمانداردى ساق­تاۋ, سونىڭ ىشىندە بىلتىر تو­سىن اپاتتان زارداپ شەككەن امانقاراعاي ورمانىن قال­پىنا كەلتىرۋ, قالالىق جاسىل ايماقتاردى اباتتاندىرۋ, جاستارعا ەكولوگيالىق ءبىلىم بەرۋ, ەلىمىزدىڭ جاسىل قورىن قالپىنا كەلتىرۋ جوبالارىنا بيزنەس رەسۋرستارىن تار­تۋ. ماسەلەن, ءبىز 2-3 ما­مىر­دا قوستاناي وبلىسىندا قا­را­اعاش, شيە, ىرعاي, الما, قاراعاي سەكىلدى 500-دەن اسا اعاش كو­شەتىن وتىرعىزدىق. بۇلار – ءبىز­دىڭ كلي­ماتتىق جاعدايىمىزعا جاق­­سى بەيىمدەلەتىن, ەركىن تامىر ­جاياتىن اعاشتار», دەيدى جوبا ۇيلەس­­تىرۋشىسى ق.جازباەۆا.

اۋليەكول اۋدانى اكىمدىگىنىڭ وكىلدەرى جيىنعا قاتىسۋشىلارعا جەرگىلىكتى جەردە ءجۇرىپ جاتقان اباتتاندىرۋ جۇمىستارىنىڭ جايىمەن تانىستىردى. جالپى, ورتتەن زارداپ شەككەن ورماندى قايتا قالپىنا كەلتىرۋ ءۇشىن شامامەن ونداعان جىل كەرەك. الدىمەن ورتەنگەن اعاشتار كە­سىلىپ, ورمان القابى تولىقتاي تازارتىلادى. جالپى, قىزىل جالىن جويعان ورمان القابىنىڭ 75 پا­يىزىنا قاراعاي, 25% پايىزىنا قايىڭ وتىرعىزۋ جوس­پارلانىپ وتىر.

اۋدان اكىمىنىڭ ايتۋىنشا, ­ورمان شارۋاشىلىقتارىندا قا­يىڭ كوشەتتەرىنىڭ قورى جەت­كىلىكتى, ال قاراعاي كوشەتتەرى كور­شىلەس اقمولا وبلىسىنان اكەلىنىپ جاتىر. بيىل تازار­تىلعان ورمان القاپتارىنا 1 ملن تۇپتەن اسا ەكى جىلدىق قايىڭ كو­شەتتەرى وتىرعىزىلادى.

قوستاناي وبلىسى