قىمبات قۇندىلىق

شەرۋگە قاتىسۋشىلار سوعىستان قايتپاعان مايدان­گەرلەر مەموريالىنا گۇل شوق­تارىن قويىپ, شەكارا ارداگەرى اندرەي شاروۆ پەن ۇلتتىق قاۋىپسىزدىك ارداگەرى پاۆەل دوتسەنكونىڭ ەستەلىكتەرىن تىڭدادى. جالپىقالالىق ءىس-شارا كىتاپحاناشى ءرازيا تاسماعان­بە­توۆانىڭ باستاماسىمەن ۇيىم­داستى­رىلىپ وتىر.

– قالالىق كىتاپحانانىڭ جانىنان «مۇرا» ازاماتتىق-پاتريوتتىق كلۋبى جۇمىس ىستەيدى. كلۋبتىڭ باستى ماق­سا­تى – جاستارعا بەيبىت ءومىر­دىڭ قانشالىقتى قىمبات قۇن­دىلىق ەكەنىن ءتۇسىندىرىپ, ناسيحاتتاۋ. مۇنداي ءىس-شارانى وسىمەن ەكىنشى رەت وتكىزىپ وتىرمىز. العاش ءوزىمىزدىڭ جانە كۋرسانتتاردىڭ كۇشىمەن ۇيىمداستىردىق. بۇگىنگى ءىس-شاراعا شەكاراشىلار مەن اس­كەري قىزمەتشىلەر كە­لىپ قوسىلدى, – دەيدى كىتاپ­حاناشى.

جيىن بارىسىندا «بار­لاۋشى» اسكەري-پاتريوت­تىق كلۋبىنىڭ مۇشەلەرى جالاڭاش قولمەن شەگە قاعۋ, سىنعان شىنىنىڭ ۇستىمەن جالاڭاياق جۇگىرىپ ءوتۋ, اس­كە­ري قويان-قولتىق ۇرىس تا­سىل­دەرىن قولدانۋ سياقتى شەبەر­لىكتەرىن كورسەتتى.

– مۇنداي ءىس-شارالاردىڭ تاعى­لىمى مول. وتانىمىزعا قاشاندا تىنىشتىق, جاستارعا بەيبىت عۇمىر تىلەيمىن. جاس ۇرپاق جان-جاقتى وقىپ, تەرەڭ ءبىلىم الىپ, ەل يگىلىگىنە ەڭبەك ەتۋگە ءتيىس. ەلىمىزدىڭ قارۋلى كۇش­تەرىنىڭ ايبىنى اسقاقتاپ, ابىرويى ارتا بەرسىن! – دەدى شە­كارا ارداگەرى اندرەي شاروۆ.

قوستاناي وبلىسى