ناۋىرزىم قورىعىندا قىزعالداقتىڭ «قىزىل كىتاپقا» ەنگەن 4 ءتۇرى وسەدى. بۇل وڭىردەگى قوسگۇلدى, جاتاعان, شرەنك, بيبەرشتەين قىزعالداقتارى ءساۋىر-مامىر ايلارىندا قارامەڭدى, اۋليەكول, قايعى, شولاقساي, امانكەلدىگە دەيىنگى سايىن دالانى سان ءتۇرلى بوياۋعا مالىپ, قۇبىلتا قۇلپىرتىپ, جۇپار اڭقىتىپ جىبەرەدى.
قورىق ماماندارىنىڭ ايتۋىنشا, عۇمىرى قىسقا قىر گۇلى زاڭ كۇشىمەن قورعاۋعا الىنعان.
– قىزىل كىتاپقا ەنگەن قىزعالداقتاردى جۇلۋعا, ساقتاۋعا, ساتۋعا, ءارى-بەرى الىپ جۇرۋگە, جويۋعا تىيىم سالىنعان. كوكتەم گ ۇلىن جۇلعان ادامدار قىلمىستىق كودەكستىڭ 339-بابىنىڭ 1-بولىمىنە سايكەس مۇلكى تاركىلەنىپ, لاۋازىمىنان ايىرىلىپ, ءۇش مىڭ ايلىق ەسەپتىك كورسەتكىشكە دەيىن ايىپپۇل تولەيدى نەمەسە سول مولشەردە تۇزەۋ جۇمىستارىنا, نە سەگىز ءجۇز ساعاتقا دەيىنگى مەرزىمگە قوعامدىق جۇمىستارعا جەگىلەدى. ءۇش جىلعا دەيىنگى مەرزىمگە باس بوستاندىعىنان ايىرىلۋى دا مۇمكىن. قورىققا كەلۋشىلەرگە تەك سۋرەتكە تۇسىرۋگە رۇقسات ەتىلەدى. سيرەك كەزدەسەتىن گۇلدەردى قورعاۋ, ناسيحاتتاۋ ماقساتىندا ءبىز اۋداندىق ءبىلىم مەكەمەلەرىمەن بىرلەسىپ, وقۋشىلار اراسىندا «ناۋىرزىم قىزعالداقتارى» اتتى شىعارماشىلىق فەستيۆال وتكىزىپ تۇرامىز, – دەيدى قورىق قىزمەتكەرلەرى.
مۇنىڭ سىرتىندا, ناۋىرزىم اۋدانىندا جىل سايىن كوكتەمدە قىزعالداقتار فەستيۆالىن وتكىزۋ داستۇرگە اينالعان.
قوستاناي وبلىسى