اقتوبە وبلىسىندا جول اپاتى سالدارىنان 3 ادام قايتىس بولدى, ال جۇرگىزۋشى اۋرۋحاناعا جەتكىزىلدى, دەپ حابارلايدى Egemen.kz polisia.kz-كە سىلتەمە جاساپ.
23 ساۋىردە حرومتاۋ اۋدانىنىڭ جازىق اۋىلىنىڭ ماڭىندا سامارا-شىمكەنت اۆتوجولىندا جانتۇرشىگەرلىك جول اپاتى بولدى.
«ۆاز-2110» جانە Toyota ماركالى اۆتوكولىكتەرى سوقتىعىسقان.
«ۆاز» اۆتوكولىگىنىڭ 3 جولاۋشىسى وقيعا ورنىندا كوز جۇمدى, جۇرگىزۋشىسى اۋداندىق اۋرۋحاناعا جەتكىزىلدى.
سوتقا دەيىنگى تەرگەۋ امالدارى باستالدى, جول-كولىك وقيعاسىنىڭ ءمان-جايى انىقتالىپ جاتىر.