شىمكەنت قالاسى بويىنشا سىبايلاس جەمقورلىققا قارسى قىزمەتى قالالىق اۋدان اكىمىنىڭ ورىنباسارى مەن اكىمدىكتىڭ باس مامانىنا قاتىستى سوتقا دەيىنگى تەرگەۋ ءجۇرىپ جاتىر, دەپ حابارلايدى Egemen.kz.
ولار ادامدار توبىنىڭ الدىن الا ءسوز بايلاسۋى ارقىلى مەگاپوليستى اباتتاندىرۋ جونىندەگى مەملەكەتتىك ساتىپ الۋ كەلىسىم شارتىن ورىنداۋ كەزىندە كاسىپكەردەن قامقورلىعى ءۇشىن 60 ملن تەڭگە مولشەرىندە پارا الدى دەگەن كۇدىككە ءىلىنىپ وتىر. شىمكەنت قالاسى سوتىنىڭ سانكتسياسىمەن اكىمنىڭ ورىنباسارى 2 اي مەرزىمگە قاماۋعا الىندى. تەرگەۋ جالعاسىپ جاتىر.
سىبايلاس جەمقورلىققا قارسى قىزمەتى وزگە اقپارات جاريا ەتۋگە جاتپايتىنىن ايتتى. كونستيتۋتسيانىڭ 77-بابى 3-تارماعىنىڭ 1-تارماقشاسىنا جانە قىلمىستىق-پروتسەستىك كودەكسىنىڭ 19-بابى 1-بولىگىنە سايكەس, قىلمىستىق قۇقىق بۇزۋشىلىق جاساۋداعى كىناسى سوتتىڭ زاڭدى كۇشىنە ەنگەن ۇكىمىمەن بەلگىلەنگەنگە دەيىن ولار كىناسىز بولىپ ەسەپتەلەدى.
ال شىمكەنت قالاسىنىڭ انتيكور قىزمەتى كۇدىككە ىلىنگەن اكىم ورىنباسارى قاي اۋدان اكىمىنىڭ ورىنباسارى ەكەنىن تەرگەۋ قۇپياسىنا سىلتەپ, جاريالامادى.