اقتوبەدە كوللەدج ديرەكتورى جالعان قۇجات جاساعانى ءۇشىن سوتتالدى. ول سىنىپتاسىنا مەكتەپ اسپازدارىنىڭ بىلىكتىلىگىن ارتتىرۋ كۋرسىن بىتىرگەنى تۋرالى سەرتيفيكاتتار جاساپ, جۇمىسى ءۇشىن 14 مىڭ تەڭگە العان, دەپ حابارلايدى Egemen.kz.
قالا مەكتەپتەرىنىڭ بىرىندە قىزمەت ەتەتىن اسپاز قاجەتتى قۇجاتتاردى راسىمدەۋ ماقساتىندا سىنىپتاسىنىڭ كومەگىنە جۇگىنگەن. ول وقۋ ورنىنىڭ باسشىلىعى ولاردى بىلىكتىلىكتى ارتتىرۋ كۋرستارىنا جىبەرۋگە ماجبۇرلەپ جاتقانىن ايتقان.
كوللەدج ديرەكتورى وعان «مەكتەپ وقۋشىلارىن تاماقتاندىرۋدىڭ زاماناۋي تەحنولوگيالارى» تاقىرىبىندا بىلىكتىلىكتى ارتتىرۋ كۋرستارىنان وتكەنى تۋرالى سەرتيفيكات جاساپ بەرۋگە ۋادە بەرگەن, وعان قوسا شىن مانىندە ساباققا بارۋدىڭ قاجەتى جوق دەپ تۇسىندىرگەن. سىنىپتاسى مەن ونىڭ ارىپتەسىنە ءوزىنىڭ كومپيۋتەرىنەن ەكى سەرتيفيكاتتى شىعارىپ, قولىن قويىپ 14 مىڭ تەڭگە العان.ناتيجەسىندە, 60 جاستاعى كوللەدج ديرەكتورىنىڭ ايلا-امالدارى اشكەرەلەنىپ, وعان الاياقتىق جاسادى دەگەن ايىپ تاعىلدى. سوت ونىڭ كۋالىكتەرىنىڭ نىسانى زاڭدى, بىراق مازمۇنى بويىنشا جالعان ەكەنىن انىقتادى.
كۇدىكتى ءوز كىناسىن مويىندادى. سوت وعان 140 مىڭ تەڭگە ايىپپۇل سالدى. سوت ۇكىمىمەن ول ءومىر بويى مەملەكەتتىك قىزمەتتە جۇمىس ىستەي المايدى.