شاكارىم وقۋلارى

ۇلى ويشىل اقىن شاكارىم قۇدايبەردى ۇلىنىڭ تۋعانىنا 165 جىل تولۋىنا وراي ۇيىم­داس­تىرىلعان بايقاۋ 5-7 سىنىپ­ وقۋشىلارى اراسىندا ءوتتى. مۇندا وقۋشىلار عۇلاما اقىن­نىڭ ولەڭدەرىن جاتتاپ, مانەر­لەپ ايتا سالمايدى, ءومىرى­ مەن شىعارماشىلىعىنا قاتىس­تى­ سۇراقتارعا جاۋاپ بەردى. ەلىمىزدىڭ بارلىق اۋماعىن قامتىعان رۋحاني ءىس-شارانى ۇلتتىق اكادەميالىق كىتاپحانا قولعا الىپ, «ادال-اس» كومپانياسى دەمەۋشىلىك ەتتى.

اۋەلى 17 وبلىس پەن 3 مەگا­پو­ليستەگى ورتالىق كىتاپحا­نا­­لار اياسىندا باستالعان شاكارىم وقۋلارىنا 5-7 سىنىپ وقۋ­شى­لا­رى اراسىنان 2000 بالا قا­تى­سىپتى. ءبىر ايعا جۋىق ۋاقىت­تا ايماقتارداعى ىرىكتەۋدەن سۇ­رىن­­بەي وتكەن 22 وقۋشى ءبىلىم جا­­رىسىنىڭ جارتىلاي فينالىنا ءوتىپ, رەسپۋبليكالىق باي­قاۋ­عا جولداما الدى. ال وزىق وقۋشىلاردىڭ اراسىنان شىن جۇيرىكتى انىقتايتىن سىناقتى ۇلتتىق اكادەميالىق كىتاپحانا ونلاين رەجىمدە وتكىزدى. بۇعان قاتىسقان 22 تالاپكەر اراسىنان 11 ۇزدىك وقۋشى اقتىق سىنعا ءوتىپ, استاناداعى قورىتىندى بايقاۋعا جينالدى.

– ۇلتتىق اكادەميالىق كىتاپ­حا­نا شاكارىم مۇرالارىن جالپى ادامزاتقا ورتاق قازىنا دەپ باعالاي وتىرىپ, ۇلت تۇتاس­تى­عىن نىعايتۋ مىندەتتەرىن جۇ­زە­گە اسىرۋعا زور ۇلەس قوسادى دەپ ەسەپتەيدى. ال بايقاۋدىڭ ماق­ساتى – وقۋشىلاردى دانا بابا­مىزدىڭ مۇرالارىن تانىپ, زەرتتەۋگە ىنتالاندىرۋ بولدى. رەسپۋبليكالىق بايقاۋعا ەلى­مىزدىڭ 17 وبلىسى مەن 3 قالا­­­سىن­داعى بارلىق مەكتەپتەن 5-7 سىنىپ وقۋشىلارى قا­تىس­تى. بايقاۋدىڭ رەسپۋبليكا كولەمىندە اۋقىمدى وتۋىنە وبلىس­تارداعى كىتاپحانالار ىق­پال ەتتى. قاتىسۋشىلارعا جات­قا ايتۋعا 20 ولەڭ بەرىلدى.اقتىق سىنعا وقۋشىلار باتىس قازاقستان, ماڭعىستاۋ, شىعىس قازاقستان, پاۆلودار, اتىراۋ, قىزىلوردا, جەتىسۋ, جامبىل, قوستاناي وبلىستارى, شىمكەنت جانە الماتى قالالارىنان كەلدى – دەيدى ۇلتتىق اكادەميالىق كىتاپحانانىڭ باس ديرەكتورى عازيزا قۇدايبەرگەنقىزى.

بايقاۋ جەڭىمپازدارى مەن جۇل­دە­گەرلەرى قازىلار القاسىنىڭ داۋىس بەرۋى ارقىلى انىقتالدى. قازىلار القا­سىنىڭ قۇرامىندا «ادال-اس» كوم­پانياسىنىڭ پرە­زيدەنتى ەرمەك مەزى­باەۆ, تاريح عىلىمدارىنىڭ دوكتورى,­ پروفەسسور ماقسات الپىسبەس, فيلو­لو­گيا عىلىمدارىنىڭ كانديداتى, «اباي اكادەمياسى» عىلىمي-زەرتتەۋ ينس­تيتۋتىنىڭ ديرەكتورى جاندوس اۋ­با­كىر,­ اقىن ىقىلاس وجاي, ۇلتتىق اكا­دە­ميالىق كىتاپحانا ديرەكتورى عازيزا قۇدايبەرگەنقىزى, حالىقارالىق «اباي» قورىنىڭ باسشىسى اسلان عافۋروۆ بار.

رەسپۋبليكالىق شاكارىم وقۋ­­­­لا­رىنىڭ جەڭىمپازدارى مەن جۇلدەگەر وقۋ­شىلارىن دايىن­داعان ۇستازدار ارنايى ديپ­لومدار, العىسحاتتارمەن جانە با­عالى سىيلىقتارمەن ماراپاتتالدى. قاتارىنان وزا شاپقان جاس شاكارىمتانۋشىلارعا باي­قاۋ­دىڭ باس دەمەۋشىسى – «ادال-اس» كوم­پانياسىنىڭ نە­گى­زىن قالاۋشى كا­سىپ­­كەر, مەتسەنات ەرمەك مەزىباەۆ باعالى سىيلىقتار تابىس ەتتى.

– كومپانيامىز قوعامدىق ءىس-شارالار مەن مادەني-رۋحاني جوبا­لارعا دا بارىنشا قولداۋ كورسەتىپ, ۇلەس قوسىپ جۇرگەنىن ايتقىم كەلەدى. وسى ءبىر ۇلاعاتتى جۇمىستى استاناداعى ۇلتتىق اكادەميالىق كىتاپحانامەن بىر­لە­سىپ قولعا الدىق. ءبىز ءۇشىن ىز­دە­­­نىمپاز بالالاردىڭ جۇزىندەگى شات­تىقتى كورىپ, سەزىنۋدىڭ ءوزى جەڭىس, – دەيدى رەسپۋبليكالىق «شاكارىم وقۋلارى» بايقاۋىنىڭ باس دەمەۋشىسى, كا­سىپ­كەر ەرمەك مەزىباەۆ.

سونىمەن قازىلار شەش­ىمى­مەن تاراز قالاسىنان قاتىسقان 6-سىنىپ وقۋشىسى ايحانىم قايرات­ باس جۇلدەگە يە بولدى. ءى ورىندى شاكارىم ولەڭدەرىن مانەرلەپ وقىپ, سۇراقتارعا تۇشىمدى جاۋاپ بەرگەن شىم­كەنت قالاسىنىڭ 5-سىنىپ وقۋ­شىسى دىنمۇحاممەد كادىرحان يەلەندى. ءىى ورىندى ورال قالاسىنان 6-سىنىپ وقۋشىسى ايارۋ ءامىرتاي, قىزىلوردا وبلىسى قازالى اۋدا­نىنان 7-سىنىپ­ وقۋشىسى گۇلناز جەڭىسبەك, شىعىس قازاق­ستان وبلىسى التاي اۋدا­نى­­نان ارۋجان ايىرباي تەڭ ءبولىستى. ءىىى ورىندى پاۆلودار وبلى­سىنان كەلگەن 7-سىنىپ وقۋ­شىسى گۇلناز باقبەرگەن, قوس­تاناي وبلىسى جانگەلدى اۋدا­نىنان كەلگەن 7-سىنىپ وقۋ­شىسى ايشا قوسىلبەك جانە جەتىسۋ وبلىسى جاركەنت اۋدا­نىنان قاتىسقان 5-سىنىپ وقۋشىسى ءجۇرسىن ازيتاي يەلەندى. قالعان قاتى­سۋ­شىلارعا دا ىنتالاندىرۋ سىي­لىق­تارى مەن العىسحاتتار تابىس­تالدى. باس جۇلدە مەن ءى, ءىى, ءىىى ورىنعا يە بولعان جۇل­دەگەرلەر باعالى سىيلىق ءھام ديپلومدارمەن ماراپاتتالدى.