ايماق باسشىسى قۇمار اقساقالوۆ قالالىق مۋزىكا مەكتەبى عيماراتىنداعى №3 سايلاۋ ۋچاسكەسىندە داۋىس بەردى. بۇل ۋچاسكەگە 1600-گە جۋىق سايلاۋشى تىركەلگەن. ءوز تاڭداۋىن جاساعان سوڭ اكىم باق وكىلدەرىنە سۇقبات بەردى, دەپ حابارلايدى Egemen.kz.
«بۇگىن مەملەكەتەمىز ءۇشىن وتە ماڭىزدى كۇن. ءبىز ەلدىڭ جارقىن بولاشاعى ءۇشىن تاڭداۋ جاساپ جاتىرمىز. بيىلعى سايلاۋ جاڭا فورماتتا ءوتىپ جاتىر. بۇل جولى ۇمىتكەرلەردىڭ اسا بەلسەندى ەكەنىن كورىپ وتىرمىز. ءبىر دەپۋتاتتىق مانداتقا ساياسي پارتيالار تاراپىنان ۇسىنىلعان نەمەسە ءوزىن-ءوزى ۇسىنعان ءۇش ۇمىتكەردەن ءتۇسىپ وتىر. باقىلاۋشىلاردىڭ دا بەلسەندىلىگى جوعارى. مۇنىڭ بارلىعى مەملەكەت باسشىسىنىڭ تاپسىرماسىمەن جۇزەگە اسىرىلىپ جاتقان ساياسي رەفورمالاردىڭ ءبىر كورىنىسى. بۇل رەسپۋبليكامىزدىڭ ەكونوميكاسىنىڭ دامۋىنا, قوعامداعى دەموكراتيالىق ۇدەرىستەردىڭ قالىپتاسۋىنا ايتارلىقتاي اسەر ەتەدى», دەدى قۇمار اقساقالوۆ.