جانقوشقا جانكۇيەر بولايىق!

ءبىرىنشى جارتىلاي ورتا سالماقتا ونەر كورسەتىپ جۇرگەن اتستەكتەر ەلى وكىلىنىڭ جاسى – 32-دە. ول 2011 جىل­دان بە­رى كاسىپقويلار اراسىندا جۇدىرىقتاسۋدا. سول كەزدەن بەرى 21 جەكپە-جەك وتكىزىپ, 16 رەت جەڭىسكە جەتتى. توعىز قارسىلاسىن ەسىنەن تاندىردى. ءوزى ءۇش مارتە نوكاۋتقا ءتۇستى. كەيىنگى ەكى جىلدا ءتورت رەت شارشى الاڭعا شىعىپ, بار­لىق باسەكەدە باسىمدىق تانىتتى. وسىدان ءدال ءبىر جىل بۇرىن مەنەسەس ۇلىبريتانيالىق سەم ماكسۆەلدى تەحنيكالىق نوكاۋتپەن جەڭىپ, IBO World Super Lightweight نۇسقاسىنىڭ التىن بەلبەۋىن يەلەندى.

جانقوش تۇراروۆ تا 32 جاستا. ونىڭ سپورتتىڭ وسى ءتۇرىن سەرىك ەت­كەنىنە 14 جىلعا جۋىقتادى. سول ارا­­­لىقتا 26 رەت رينگكە كوتەرىلىپ, قار­سىلاستارىنىڭ بارلىعىن قو­عاداي جاپىردى. 19 جەكپە-جەكتى مەر­زى­مى­نەن بۇرىن اياقتادى. جان­قوشتىڭ IBO Intercontinental نۇس­قاسىنىڭ چەم­پيونى دەگەن اتاعى بار.

كۇنى كەشە «الماتى ارە­نا­دا» وتەتىن ءدال وسى جارىستا جۇ­­دىرىقتاساتىن بوكسشىلاردىڭ ەسىمدەرى بەلگىلى بولدى. تاعى ءبىر باستى جەكپە-جەكتە بەكمان سوي­لىباەۆ (15-1, 6 كو) كۇش سىناسادى. ونىڭ قارسىلاسى – جەنەل لاۋسا. 34 جاستاعى فيليپپين بوكس­شىسى وسىعان دەيىن 12 كەز­دەسۋ وتكىزىپ, سونىڭ بىردە-بى­رەۋىندە جەڭىلگەن جوق. ول جەتى قار­­سىلاسىن ەسىنەن تان­دىردى. بۇل باسەكەدە جارتىلاي جەڭىل سال­ماقتىڭ التىن بەلبەۋى ساراپقا سالىنادى. ال وزگە جەكپە-جەكتەر مىنا بىلعارى قولعاپ شەبەرلەرى اراسىندا وتەدى: ابىلايحان

قۇ­سايى­­­نوۆ – زۋحريددين حام­رو­­كۋلوۆ (وز­بەكستان), جولداس جە­­ڭى­سوۆ – اسادبەك ماماجونوۆ (وز­بەكستان), داۋرەن ەلەۋسىنوۆ – با­حروم پايازوۆ (وزبەكستان), ەل­حان تابىنباەۆ – مالحاز سۋد­جاشۆيلي (گرۋزيا), ادلان سەل­مۇر­ز­اەۆ – ازامات بەل­عوجين, جان­دوس قىدىراليەۆ – رۋس­لان بەرچۋك (رەسەي), ءاليحان تۇ­لەن­باەۆ – ماقسات وس­مونوۆ, نۇر­جان سەرىكباەۆ – بايا­مان الىم­بەكوۆ, با­ۋىرجان بەيىل­دينوۆ – نۇر­سۇلتان سمايىل جانە بالاۋسا مۇز­ديمان – زۋحرا يسرايلوۆا.