قر مەملەكەتتىك كەڭەسشىسى ەرلان قاريننىڭ توراعالىعىمەن شەتەلدە كادرلار دايارلاۋ جونىندەگى رەسپۋبليكالىق كوميسسيا شەشىمىمەن الەمدەگى جەتەكشى ۋنيۆەرسيتەتتەر مەن سالالىق ۇيىمداردا تاعىلىمدامادان وتەتىن 25 قازاقستاندىق «بولاشاق» ستيپەندياسىنىڭ يەگەرى اتاندى, دەپ حابارلايدى Egemen.kz.
«بولاشاق» حالىقارالىق ستيپەندياسى يەگەرلەرىنىڭ ءتىزىمى حالىقارالىق باعدارلامالار ورتالىعىنىڭ سايتىندا جاريالانعان.
ەسكە سالساق, بيىل «بولاشاق» حالىقارالىق ستيپەندياسىن تاعايىنداۋ كونكۋرسىنا قاتىسۋ ءۇشىن قۇجاتتاردى قابىلداۋ ءتورت لەككە بولىنگەن:
قۇجاتتاردى قابىلداۋدىڭ العاشقى مەرزىمى - 2023 جىلعى 9 قاڭتار مەن 27 قاڭتار ارالىعىندا; قابىلداۋدىڭ ەكىنشى لەگى - 3 ءساۋىر مەن 28 ءساۋىر ارالىعىندا; ءۇشىنشىسى - 5 ماۋسىم مەن 7 شىلدە ارالىعىندا; ءتورتىنشىسى - 17 شىلدە مەن 15 قىركۇيەك ارالىعىندا وتەدى.بيىل ماگيستراتۋرا جانە رەزيدەنتۋرا باعدارلامالارىنا 395 ستيپەنديا, دوكتورانتۋراعا 50 ستيپەنديا, تاعىلىمدامادان ءوتۋ ءۇشىن 110 ستيپەنديا ءبولىندى.