گەرمانيانىڭ كوتبۋس قالاسىندا سپورتتىق گيمناستيكادان الەم كۋبوگىنىڭ كەزەڭدىك سايىسى اياقتالدى. بۇل جارىستا قازاقستان قۇراماسىنا جالعىز جۇلدە بۇيىردى.
«ات» جاتتىعۋى بويىنشا وتكەن باسەكەدە 14,800 ۇپاي جيعان ناريمان قۇربانوۆ قولا مەدالدى موينىنا ءىلدى. ول تەك وزبەكستاندىق ابدۋللا ازيموۆ (14,866 ۇپاي) پەن ارمەنيالىق گاگيك حاچيكياننان (14,833 ۇپاي) قالىپ قويدى. وزگە سايىس تۇرلەرى جايىندا ايتار بولساق, قالىڭ كورەرمەن قولدى تىرەپ جاتتىعۋىن قىزىعا تاماشالادى. ويتكەنى, بۇل باسەكەدە اتاقتى وكسانا چۋسوۆيتينا ونەر كورسەتتى. كەزىندە كسرو مەن گەرمانيانىڭ نامىسىن قورعاعان ول بۇل كۇندەرى وزبەكستاننىڭ اتىنان سىنعا تۇسەدى. چۋسوۆيتينانىڭ ەسىمى سەگىز بىردەي وليمپيا ويىندارىنا قاتىسقان تۇڭعىش جانە ازىرگە جالعىز گيمناسشى رەتىندە تاريحتا قالدى.
مىنە, سول 47 جاستاعى سپورتشى ءالى دە بابىندا ەكەنىن بايقاتىپ, جارىستى قولا مەدالمەن قورىتىندىلادى. ول يتاليالىق مانيلا ەسپوزيتو مەن گەرمانيالىق رۋبي ەۆاندى عانا العا جىبەردى.