الماتىدا وتكەن Batyrball سايىسى كەزىندە بوكستان وليمپيادا چەمپيونى سەرىك ساپيەۆپەن شەكىسىپ قالعان سپورتشى زەليمحان مۋسيحانوۆ پەن ونىڭ جاتتىقتىرۋشىسى الەكساندر گولتسمان بوكسشىدان كەشىرىم سۇرادى, دەپ حابارلايدى Egemen.kz Vesti.kz-كە سىلتەمە جاساپ.
«قۇرمەتتى قازاقستاندىقتار, مەن جاساعان ءىسىم ءۇشىن كەشىرىم سۇرايمىن. مەن ەرەجەلەردى بۇزدىم, قاتەلىك جاسادىم. ءوز ەموتسيامدى ۇستاي المادىم. سەرىك ساپيەۆ - حالقىمىزدىڭ ماقتانىشى. ويلانباي ىستەگەن ارەكەتىم ءۇشىن مەنى كەشىرىڭىز. ەندى قايتالانبايدى», دەدى ز. مۋسيحانوۆ.
الەۋمەتتىك جەلىدە جاريالانعان ۆيدەودا سپورتشىنىڭ جاتتىقتىرۋشىسى دا كەشىرىم سۇراعان.
«قۇرمەتتى قازاقستاندىقتار, كەشە مەنىڭ وقۋشىم ويلانباي ارەكەت جاسادى. مەن دە ەموتسياعا بوي الدىرىپ, ارتىق سويلەپ قويدىم. مەنەن قاتە كەتتى, سوندىقتان شاكىرتىم ەكەۋمىز جاساعان بارلىق ارەكەتىمىز ءۇشىن كەشىرىم سۇرايمىز. ءبىز باتىرىمىزعا, وليمپيادا چەمپيونىنا, بارلىق سپورتشىلارعا جانە سەرىك اعاعا سپورت, قوعام قايراتكەرى رەتىندە قۇرمەتپەن قارايمىز. ءبىزدىڭ ءىس-ارەكەتىمىز ەشبىر جاعدايدا چەمپيوننىڭ بەدەلىن تۇسىرمەۋى كەرەك. بىز جاعدايدىڭ وسىلاي بولارىن قالامادىق. بارىنە كىنالىمىز. ءبىزدى كەشىرىڭىز», دەدى گولتسمان.
ەسكە سالا كەتەيىك, بۇعان دەيىن سەرىك ساپيەۆ الماتىدا وتكەن Naiza 49 تۋرنيرىندە جەكپە-جەكتەن كەيىن بالۋانمەن جانجالداسىپ قالعانىن حابارلاعان ەدىك. كەيىنىرەك اتالعان وقيعاعا قاتىستى بالۋاننىڭ جاتتىقتىرۋشىسى الەكساندر گولتسمان تۇسىنىكتەمە بەرگەن بولاتىن.