وسى اپتادا قر ءپىب مەدورتالىعىنىڭ كۇندەرى اياسىندا ەلورداداعى اۋرۋحانا مەن ورتالىق كلينيكالىق اۋرۋحاناسىنىڭ, «وقجەتپەس» ەمدەۋ-ساۋىقتىرۋ كەشەنىنىڭ, سانيتارلىق-ەپيدەميولوگيالىق ساراپتاما ورتالىعىنىڭ, جوعارى تەحنولوگيالار جانە اقپاراتتىق جۇيەلەر ورتالىعىنىڭ ماماندارىنان, سونداي-اق «قارلىعاش» بالاباقشالار جەلىسىنىڭ پەداگوگتەرىنەن جاساقتالعان دەلەگاتسيا شىمكەنت قالاسىنا باردى, دەپ حابارلايدى Egemen.kz.
مەديتسينالىق ورتالىقتىڭ وڭىرلەردەگى كۇندەرىن وتكىزۋدەگى باستى ماقسات – دارىگەرلەر مەن پەداگوگتەردىڭ بىلىكتىلىگىن ارتتىرۋ, تاجىريبە الماسۋ, مەديتسينالىق ءتۋريزمدى دامىتۋ.
ءۇش كۇن ىشىندە مەدورتالىق اۋرۋحانالارىنىڭ دارىگەرلەرى 160-قا جۋىق تەگىن كونسۋلتاتسيالىق كومەك بەردى. قالا تۇرعىندارىن جوعارى بىلىكتى اريتمولوگ, گەنەتيك, ونكولوگ جانە ونكوحيرۋرگ, گاستروەنتەرولوگ, پۋلمونولوگ, نەيروحيرۋرگ جانە كارديوحيرۋرگ ماماندار قابىلدادى. ولار كۇردەلىلىگى ءارتۇرلى 17 وپەراتسيا جاسادى.
شىمكەنت ساپارىنىڭ باعدارلاماسىنا دارىگەرلەر مەن مۇعالىمدەرگە ارنالعان ترەنينگتەر مەن شەبەرلىك ساباقتارى دا قامتىلعان بولاتىن. سونىڭ اياسىندا مەديتسينالىق تەحنولوگيالار جانە اقپاراتتىق جۇيەلەر ورتالىعىنىڭ دەلەگاتسياسى №1 قالالىق كلينيكالىق اۋرۋحانا دارىگەرلەرىمەن كەزدەسۋ وتكىزدى.
قر ءپىب مەدورتالىعىنىڭ «قارلىعاش» بالاباقشاسىنىڭ وكىلدەرى شىمكەنت قالاسىنداعى مەكتەپكە دەيىنگى ۇيىمداردىڭ قىزمەتكەرلەرىنە دوڭگەلەك ۇستەل ۇيىمداستىردى. كەزدەسۋدە ەلوردالىق پەداگوگتەر وقىتۋ ادىستەرى مەن بالالاردىڭ دەنساۋلىعىن ساقتاۋعا جانە جاقسارتۋعا قاتىستى تاجىريبەلەرىمەن ءبولىسىپ, ء«بىلىم بەرۋ ساپاسىن باعالاۋدا ECERS-3 شكالاسىن قولدانۋ» تاقىرىبىندا سەمينار-ترەنينگ, «يننوۆاتسيالار سالاسىنداعى يننوۆاتسيالار» تاقىرىبىندا شەبەرلىك ساباعىن وتكىزدى.
سانيتارلىق-ەپيدەميولوگيالىق ساراپتاما ورتالىعى قالانىڭ مەديتسينالىق ۇيىمدارىنىڭ باس دارىگەرلەرى مەن ورىنباسارلارىنا ەپيدەميولوگيالىق جانە ازىق-ت ۇلىك قاۋىپسىزدىگى بويىنشا, اۋرۋحانادا ينفەكتسيانىڭ الدىن الۋ جانە باقىلاۋ جايىندا ترەنينگتەر مەن شەبەرلىك ساباقتارىن وتكىزدى.
ءىس-شارانىڭ سوڭعى كۇنىندە قر ءپىب مەديتسينالىق ورتالىعى مەن شىمكەنت قالاسىنىڭ اكىمدىگى, وڭتۇستىك قازاقستان مەديتسينا اكادەمياسى جانە Santo فارماتسەۆتيكالىق كومپانياسى اراسىندا ىنتىماقتاستىق تۋرالى مەموراندۋمدارعا قول قويىلدى.