جيىندا اۋىل شارۋاشىلىعىن دامىتۋدىڭ تۇيتكىلدى ماسەلەلەرى مەن پەرسپەكتيۆالارى تالقىلاندى, دەپ حابارلايدى Egemen.kz.
كەزدەسۋ بارىسىندا اۋىل شارۋاشىلىعى ءمينيسترى ەربول قاراشوكەەۆ, كوپسالالى «رودينا» كاسىپورنىنىڭ ديرەكتورى يۆان ساۋەر, «ولجا اگرو» جشس-ءنىڭ باس ديرەكتورى ايداربەك قوجانازاروۆ, «زەنچەنكو جانە ك» شارۋا سەرىكتەستىگىنىڭ ديرەكتورى گەننادي زەنچەنكو, «مايلى داقىلداردىڭ تاجىريبەلىك شارۋاشىلىعى» جشس-ءنىڭ ديرەكتورى فاريد ابىتاەۆ ءسوز سويلەدى. ولار ءوندىرىستى ءارتاراپتاندىرۋ, شيكىزاتتى تەرەڭ وڭدەۋ جانە جاڭا اگروونىمدەردى ءوندىرۋ, قانت سالاسىن دامىتۋ, تۇقىم شارۋاشىلىعى, مال شارۋاشىلىعى جانە ۆەتەريناريا, سونداي-اق ىشكى نارىقتى قامتاماسىز ەتىپ, ەكسپورتتىق الەۋەتتى ارتتىرۋ ماسەلەلەرىن قوزعادى. جيىن بارىسىندا اگروونەركاسىپ كەشەنىن دامىتۋعا قاراجات ءبولۋ مەن پايدالانۋدىڭ تيىمدىلىگى, جەر جانە سۋ رەسۋرستارىن ءادىل ءبولۋ ماسەلەلەرىنە دە ەرەكشە نازار اۋدارىلدى. اگرارلىق بيزنەس وكىلدەرى اۋىلداردا ءومىر ءسۇرۋ ساپاسىن ارتتىرۋ, جول-كولىك جانە الەۋمەتتىك ينفراقۇرىلىمنىڭ, ونىڭ ىشىندە مەكتەپتەر مەن بالاباقشالاردىڭ جاعدايىن جاقسارتۋ, سونداي-اق كادر دايارلاۋ قاجەتتىگىن اتاپ ءوتتى.پرەزيدەنت ۇكىمەتكە ايتىلعان بارلىق ۇسىنىستى نازارعا الۋدى جانە كاسىپكەرلەردىڭ پىكىرىن ەسكەرە وتىرىپ, اۋىل شارۋاشىلىعىنىڭ جاي-كۇيىنە مۇقيات تالداۋ جۇرگىزۋدى تاپسىردى.مەملەكەت باسشىسىنىڭ پىكىرىنشە, اگروونەركاسىپ كەشەنى وكىلدەرىمەن مۇنداي كەزدەسۋلەردى تۇراقتى تۇردە وتكىزىپ تۇرۋ كەرەك. سەبەبى اۋىل شارۋاشىلىعىنداعى ماسەلەلەردىڭ شەشىمىن تابۋى ازاماتتاردىڭ ءومىر ءسۇرۋ ساپاسىنا عانا ەمەس, سونىمەن قاتار ەلدىڭ ازىق-ت ۇلىك قاۋىپسىزدىگىنە دە ىقپال ەتەدى.