جۇمىرتقا ۇنتاعىن شىعارادى

كاسىپورىن 2021 جىلى «Poultry-Agro» جشس برويلەرلىك قۇس فابريكاسىنىڭ ين­ۆەس­تيتسيالىق جوباسىن قولعا الىپ, جۇمىسى توق­تاپ تۇرعان «كومسومول قۇس فاب­ريكاسىن» قايتا جاڭعىرتۋعا كىرىستى. باس­تاپقى كەزەڭدە بۇعان 5,8 ملرد تەڭگە ين­ۆەستيتسيا سالعان كاسىپورىن بۇگىندە جىلىنا 7,5 مىڭ توننا برويلەر ەتىن ءوندىرىپ وتىر. ءوندىرىس وشاعى 283 ادامدى تۇراقتى جۇمىسپەن قامتاماسىز ەتەدى. فابريكادان شىعىپ جاتقان قۇس ەتى بۇگىندە ۇلكەن سۇرانىسقا يە.

– «Poultry-Agro» سەرىكتەستىگىن ەكى با­عىت­تا دامىتۋدى كوزدەپ وتىرمىز. بىرىن­شى­دەن, وندىرىستىك قۋاتتى جىلىنا 12,5 مىڭ تونناعا دەيىن ارتتىرۋ جوسپاردا بار. ودان كەيىن ءداندى جانە مايلى داقىلداردى ءوسىرۋ ءۇشىن وزىمىزگە تيەسىلى ەگىس القابىن 10 مىڭ گەكتارعا دەيىن ۇلعايتۋدى جوسپارلاپ قويدىق. بۇل كاسىپورىندى جەمشوپ با­زاسىمەن قامتاماسىز ەتۋگە مۇمكىندىك بەرەدى. رەسەي فەدەراتسياسىنىڭ بىرقاتار وب­لىسىنداعى قولايسىز ەپيزووتيالىق جاع­دايعا جانە شەكارانىڭ جابىلۋىنا باي­لانىستى مەكيەندەردى تىرىدەي اكەلۋ, قۇس ونىمدەرىن تاسىمالداۋ مۇمكىن ەمەس. سوندىقتان قازىرگى ۋاقىتتا «Poultry-Agro» جشس جانە باسقا دا قۇس فابريكالارىن با­لا­پانمەن قامتاماسىز ەتۋ ماسەلەسى وزەكتى بو­لىپ تۇر, – دەيدى «جاس-قانات 2006» جشس باس ديرەكتورى قايرات مايشەۆ.

كاسىپورىن باسشىسىنىڭ ايتۋىنشا, «Poultry-Agro» سەرىكتەستىگى وبلىس تۇرعىن­دا­رىن شوجەمەن قامتاماسىز ەتۋ ءۇشىن وسى سالا­داعى وزگە كاسىپورىندارمەن بىرلەسىپ, قا­را­بالىق اۋدانىندا ينكۋباتور سا­لۋ­­دى جوسپارلاپ وتىر. قۇنى 2,2 ملرد تەڭگە بولاتىن جوبا جۇزەگە اسىرىلسا, جىلىنا ينكۋباتوردان 8 ملن بالاپان باسىپ شىعارۋعا بولادى. ينۆەستيتسيالىق جوبا ءوڭىردىڭ الەۋمەتتىك-ەكونوميكالىق دامۋىنا دا وڭ اسەرىن تيگىزبەك. ماسەلەن, جاڭا ينكۋباتور ىسكە قوسىلسا, ەلۋدەن اسا جاڭا جۇمىس ورنى پايدا بولادى. مۇنىڭ سىرتىندا جەرگىلىكتى بيۋدجەتكە جىلىنا شامامەن 250 ملن تەڭگە سالىق تولەمدەرى تۇسەدى. ءوڭىردىڭ ىسكەرلىك بەلسەندىلىگى ارتادى ءارى «Poultry-Agro» جشس-ءىن برويلەر بالاپاندارىمەن قامتاماسىز ەتىپ وتىرادى.

«جاس-قانات 2006» جشس الداعى ۋا­قىت­تا جۇمىرتقا ۇنتاعىن شىعارۋدى دا كوزدەپ وتىر. بۇل ءونىمدى ۇزاق ساقتاۋعا بولادى. تاسىمالداۋعا ىڭعايلى. جاڭا ءوندىرىس جۇ­مىرت­­قاعا سۇرانىس تومەندەگەن جاعدايدا كا­سىپورىننىڭ شىعىندارىن ازايتۋعا مۇم­كىن­دىك بەرىپ, ەكسپورتتىق الەۋەتىن ارتتىرۋعا سەپتىگىن تيگىزەدى.

قۇس فابريكاسى قولعا الماق تاعى ءبىر تىڭ جوبا – كەلەشەكتە تاۋىقتىڭ كوڭىن قايتا وڭدەۋ ءوندىرىسىن جولعا قويۋ. كاسىپورىن باس­شى­سىنىڭ ايتۋىنشا, قوقىستى قوردالاۋ (كوم­پوستاۋ) ۇدەرىسىن جەدەلدەتەتىن جاڭا بيو­لوگيالىق ونىمدەردى قولدانا وتىرىپ, قۇس كوڭىن ورگانيكالىق تىڭايتقىشقا اينالدىرۋ توپىراقتىڭ قۇنارى مەن ونىمدىلىگىن 35-40 پايىزعا ارتتىرادى ەكەن. سوندىقتان قۇس فابريكاسى كەلەشەكتە قۇس شارۋاشىلىعى قالدىقتارىن قايتا وڭدەۋگە ارنالعان بيوگاز قوندىرعىسىن سالۋدى جوسپارلاپ وتىر. كاسىپورىن وندىرىستىك قالدىقتى قايتا وڭدەپ, ودان ەلەكتر ەنەرگياسىن الۋعا مۇددەلى. بۇل جوبا قالدىقتاردى كادەگە جاراتۋ, سونداي-اق «جاسىل تەحنولوگيانى» دامىتۋ تۇرعىسىنان ماڭىزدى.

بۇگىندە فابريكادا جۇمىرتقا ءوندىرۋ كولە­مى 35 ەسە وسكەن, قۇستىڭ ۇياسى 14 ەسە, ياعني 10 مىڭنان 1,4 ملن-عا دەيىن ۇلعايعان. ال ەت ءوندىرىسى 15 ەسە, جۇمىس ورىندارىنىڭ سانى 5 ەسەگە دەيىن ارتقان. قۇس فابريكاسى ونىمدەرىنىڭ 50 پايىزى سىرتقا ەكسپورتتالادى.

قوستاناي وبلىسى