كەشە ساعات 12:45-تە اقتوبە وبلىسى قارعالى اۋدانى, پەتروپاۆل اۋىلىندا, گاگارين كوشەسىندەگى جەكە تۇرعىن ۇيدە گاز باللونى جارىلدى, دەپ حابارلايدى Egemen.kz.
اقتوبە وبلىسى تجد مالىمەتىنشە, وقيعا ورنىنا 2 قۇتقارۋشى مەن 1 بىرلىك تەحنيكا جىبەرىلگەن. انىقتالعانداي, جەكە تۇرعىن ۇيدە 5 ليترلىك گاز باللونىنىڭ, گاز-اۋا قوسپاسىنىڭ جارىلۋى سالدارىنان ءۇيدىڭ قابىرعالارى ءب ۇلىنىپ, ءورت شىققان.
ءۇي يەلەرىنىڭ كورشىلەرى ءورتتى قۇتقارۋشىلار جەتكەنشە ءوز كۇشتەرىمەن ءسوندىرىپ ۇلگەرگەن.
جارىلىس تولتىرىلعان گاز باللوندى سالقىن جەردەن جىلى جەرگە كىرگىزۋ كەزىندە گاز اۋا قوسپاسىنىڭ كوبەيۋى سالدارىنان بولعان. زارداپ شەككەن 1952 جىلى تۋعان ەر ادام جانە 1928 جىلى تۋعان ايەل ادام وبلىستىق كوپسالالى اۋرۋحاناعا جەتكىزىلدى.