ەلوردالىق ءۇيدىڭ كىرەبەرىسىندە 75 جاستاعى اجەنى توناپ كەتكەن, دەپ حابارلايدى Egemen.kz Polisia.kz-كە سىلتەمە جاساپ.
پوليتسياعا 75 جاستاعى زەينەتكەر جۇماباەۆ كوشەسىندەگى ءۇيىنىڭ كىرەبەرىسىندە بەلگىسىز بىرەۋدىڭ 140 مىڭ تەڭگە اقشاسى بار قول سومكەسىن ۇرلاپ كەتكەنىن ايتىپ, ارىزدانعان.
قاريانىڭ ايتۋى بويىنشا, ول كۇندىزگى ۋاقىتتا بانكوماتتان زەينەتاقىسىن العان. ازىق-ت ۇلىك ساتىپ الۋدى شەشىپ, ول جولدا دۇكەنگە كىرىپ, سودان كەيىن ۇيىنە قايتقان. ول كىرەبەرىسكە كىرىپ, باسپالداق الاڭىندا 4-قاباتتاعى پاتەرگە سومكەلەردى اپارۋعا كومەكتەسۋدى ۇسىنعان ەر ادامدى كورگەن.
زەينەتكەر ەشتەڭەدەن كۇدىكتەنبەستەن, سومكەلەرىن بەيتانىس ادامعا بەرىپ, ونىڭ سوڭىنان باسپالداقپەن كوتەرىلگەن. ەر ادام 4-ءشى قاباتقا تەز كوتەرىلىپ, ونى پاتەردىڭ الدىندا كۇتىپ تۇرعان. كۇدىكتى وعان سومكەلەردى بەرىپ, بەلگىسىز باعىتقا قاراي تەز قاشىپ كەتكەن. ءبىر-ەكى ساعاتتان كەيىن جابىرلەنۋشى سومكەسىن تەكسەرۋدى ۇيعارىپ, اقشانىڭ جوق ەكەنىن اڭعارعان. الماتى اۋدانى پب-نىڭ قىزمەتكەرلەرى جەدەل-ىزدەستىرۋ ءىس-شارالارىن جۇرگىزۋ بارىسىندا بۇرىن ۇرلىق جاساعانى ءۇشىن سوتتالعان 38 جاستاعى كۇدىكتىنى انىقتادى.
اتالعان فاكتى بويىنشا سوتقا دەيىنگى تەرگەۋ امالدارى جۇرگىزىلىپ, ونىڭ قالا اۋماعىندا جاسالعان وسىعان ۇقساس باسقا دا قىلمىستارعا قاتىستىلىعى تەكسەرىلىپ جاتىر.