شىمكەنتتە جىل باسىنان بەرى 455 اۆتوكولىك ايىپتۇراققا قويىلدى, دەپ حابارلايدى Egemen.kz Polisia.kz سايتىنا سىلتەمە جاساپ.
ەلىمىزدە جول قوزعالىسى ەرەجەلەرىن ورەسكەل بۇزۋشىلاردى دەر كەزىندە انىقتاۋ ماقساتىندا «قورعاۋ – قاۋىپتى جۇرگىزۋشى» باعدارلاماسى ىسكە قوسىلىپ, ءوز ناتيجەسىن بەرىپ جاتىر. وسى رەتتە شىمكەنت قالاسىنىڭ پوليتسەيلەرى جاڭا باعدارلاما ارقىلى قۇقىق بۇزۋشىلىقتاردى انىقتاپ, الدىن الىپ كەلەدى.
قاڭتار ايىنان باستاپ «قورعاۋ – قاۋىپتى جۇرگىزۋشى» باعدارلاماسى اياسىندا شىمكەنتتە 21 مىڭنان استام اكىمشىلىك قۇقىق بۇزۋشىلىق تىركەلدى. ونىڭ ىشىندە جالعان مەملەكەتتىك ءنومىر تاعىپ جۇرگەن – 4, اۆتوكولىك تەرەزەسىن كۇڭگىرتتەپ العان – 151, ءتيىستى رۇقساتسىز قايتا جابدىقتالعان كولىك قۇرالىن باسقارعان – 121 تۇلعاعا اكىمشىلىك حاتتاما تولتىرىلدى. سونداي-اق قوزعالىستىڭ قارسى جولاعىنا شىققان – 23, باعدارشامنىڭ تىيىم سالىنعان تۇسىنە (سيگنالىنا) ءوتىپ كەتكەن – 133, جاياۋ جۇرگىنشىگە باسىمدىق بەرمەگەن – 75, كولىك قۇرالىن باسقارۋعا قۇقىعى جوق 30 جۇرگىزۋشى انىقتالدى. سونداي-اق باسقارۋ قۇقىعىنان ايىرىلعان – 7, وزگە دە قۇقىق بۇزۋشىلىقتار بويىنشا – 20 776 حاتتاما تولتىرىلىپ, 455 اۆتوكولىك ايىپتۇراققا قويىلدى.
ايتا كەتسەك, «قورعاۋ – قاۋىپتى جۇرگىزۋشى» باعدارلاماسىنىڭ كومەگىمەن 26 تاۋلىكتىڭ ىشىندە 276-دان استام جول قوزعالىسى ەرەجەسىن بۇزعان 101 جۇرگىزۋشى ۇستالدى.