ىشكى ىستەر مينيسترلىگىنىڭ تەرگەۋ دەپارتامەنتىنىڭ باستىعى سانجار ءادىلوۆ پارلامەنت ءماجىلىسىنىڭ كۋلۋارىندا قاڭتارداعى تارتىپسىزدىكتەر كەزىندە ۇرلانعان قارۋ جايلى ايتىپ بەردى, دەپ حابارلايدى Egemen.kz.
ونىڭ مالىمەتىنشە, قازىرگى ۋاقىتتا 4 مىڭنان استام ۇرلانعان قارۋ تابىلدى.
«ولاردىڭ باسىم بولىگى جەدەل-پروفيلاكتيكالىق ءىس-شارالار بارىسىندا تابىلعان. 500-دەن استام سحرون تابىلدى. ۇرلانعان قارۋدىڭ باسىم بولىگى تاراز جانە تالدىقورعان قالالارىندا بولعان. بۇگىنگى تاڭدا 1900-دەن استام قىزمەتتىك جانە ازاماتتىق قارۋ ءالى دە تابىلعان جوق. پوليتسيا قىزمەتكەرلەرى قارۋدى تابۋ جانە تاركىلەۋ بويىنشا بەلسەندى شارالار قابىلداپ جاتىر», دەپ ناقتىلادى سانجار ءادىلوۆ.
ونىڭ ايتۋىنشا, بۇگىن دەپۋتاتتار مەن جۋرناليستەردىڭ نازارىنا زاتتاي دالەلدەمەلەر مەن وق-دارىلەردىڭ ۇلگىلەرى ۇسىنىلدى.
«بارلىق دانالار شىنايى, بۋتافوريا جوق. بۇل جەردەن اۆتوماتتاردى, تاپانشالاردى جانە ءتىپتى گراناتا اتقىشتاردى دا كورۋگە بولادى. ايتا كەتسەك, كورمەدە قارۋدىڭ از عانا بولىگى ۇسىنىلعان», دەپ قوستى س. ءادىلوۆ.