قاسىم-جومارت توقاەۆ ورتالىقتاعى سمارت سىنىپتىڭ جۇمىسىمەن تانىستى, دەپ حابارلايدى Egemen.kz اقورداعا سىلتەمە جاساپ.
ەم الىپ جاتقان بالالار وقۋدان قول ءۇزىپ قالماۋى ءۇشىن «اقىلدى سىنىپ» ۇيىمداستىرىلعان. مۇندا مەكتەپ باعدارلاماسىنا سايكەس ماتەماتيكا, تاريح جانە باسقا دا پاندەر وقىتىلادى.
مەملەكەت باسشىسى رەسپۋبليكانىڭ ءار وڭىرىنەن كەلىپ, ەم الىپ جاتقان بالالارمەن اڭگىمەلەسىپ, جەتكىنشەكتەردىڭ تەزىرەك ساۋىعىپ كەتۋىنە تىلەكتەستىك ءبىلدىردى.
قازىر بالالار بولىمشەلەرىندە 351 بالا ەم الىپ جاتىر. بيىل بۇل جەردە 18 مىڭعا جۋىق بالا ەمدەلگەن.
قاسىم-جومارت توقاەۆ ورتالىقتاعى بالالاردى جاڭا جىل مەرەكەسىمەن قۇتتىقتاپ, بارلىعىنا سىيلىق ۇلەستىردى.