تۇركيا سوتى ىستانبۇل قالاسىنىڭ اكىمىن ەكى جىل جەتى ايعا باس بوستاندىعىنان ايىردى, دەپ حابارلايدى Egemen.kz Daily Sabah باسىلىمىنا سىلتەمە جاساپ.
ىستانبۇل مەرى ەكرەم يماموگلۋ ءۇش جىل بۇرىن سايلاۋ ناتيجەلەرىنىڭ جويىلۋىن «اقىماقتىق» دەپ اتاعاننان كەيىن ايىپتالدى. سوت مۇنى جوعارعى سايلاۋ كوميسسياسىنىڭ مۇشەلەرىن قورلاۋ دەپ سانادى.
52 جاستاعى يماموگلۋ تۇرىك وپپوزيتسياسىنىڭ وكىلى جانە الداعى ماۋسىمدا وتەتىن سايلاۋدا تۇركيانىڭ قازىرگى پرەزيدەنتى رەجەپ تايىپ ەردوعاننىڭ باستى باسەكەلەستەرىنىڭ ءبىرى.
الايدا, سوت شەشىمىنە سايكەس, ەندى يماموگلۋعا ساياسي قىزمەتپەن اينالىسۋعا دا تىيىم سالىندى, بۇل ونى ەلدەگى پرەزيدەنتتىك سايلاۋعا قاتىسۋ مۇمكىندىگىنەن ءىس جۇزىندە ايىرادى.
ۇكىم مەن ساياسي تىيىمدى اپەللياتسيالىق سوت راستاۋى كەرەك. ەگەر جوعارى ورگان ۇكىمدى قولداسا, ەكرەم يماموگلۋ بەس جىل كولەمىندە ساياسي قىزمەتپەن اينالىسا المايدى. سوندىقتان ول ىستانبۇل مەرى قىزمەتىنەن بوساتىلۋى مۇمكىن. ايىپتاۋشى تاراپ ەكرەم يماموگلۋدى ءتورت جىل ءبىر ايعا باس بوستاندىعىنان ايىرۋدى سۇرادى.
ەكرەم يماموگلۋ سوتقا شاعىمداناتىنىن ايتتى. قازىر اپەللياتسيا قارالىپ جاتقاندىقتان ول قالانى باسقارۋدى جالعاستىرا بەرەدى.