شىمكەنتتە «پاتەر» جەدەل-پروفيلاكتيكالىق ءىس-شاراسى اياسىندا كوشى-قون زاڭناماسىن بۇزعان 87 شەتەلدىك انىقتالدى, دەپ حابارلايدى Egemen.kz.
شىمكەنت قالاسى پوليتسيا دەپارتامەنتىنىڭ باستىعى ق.س.دالبەكوۆتىڭ نۇسقاۋىنا سايكەس, شىمكەنت قالاسى اۋماعىندا «پاتەر» جەدەل-پروفيلاكتيكالىق ءىس-شاراسى ءوتىپ جاتىر. ءىس-شارانىڭ باستى ماقساتى – قوعامدىق ءتارتىپتى ساقتاۋ, كوپقاباتتى ۇيلەردىڭ ءاربىر پاتەرىن, اۋلالاردى, جەكە ۇيلەردى ارالاپ, وندا تۇرىپ جاتقان ادامدار جايلى اقپارات ءبىلۋ. سونداي-اق قارۋ يەلەرىن, ءىىو-دا ەسەپتە تۇراتىن تۇلعالاردى تەكسەرىپ, زاڭسىز كوشى-قوننىڭ جولىن كەسۋ.
شارا بارىسىندا ۋچاسكەلىك پوليتسيا ينسپەكتورلارى قالا اۋماعىندا ورنالاسقان 1630 پاتەر مەن جەكە تۇرعىن ۇيلەردى ارالادى. ونىڭ ىشىندە جالعا بەرىلەتىن پاتەرلەر تەكسەرىلىپ, وندا تۇرىپ جاتقان 378 ازاماتتىڭ تىركەۋسىز تۇرىپ جاتقانى انىقتالدى. بۇعان قوسا 964 قارۋ يەسى تەكسەرىلىپ, قارۋدى تىركەۋ جانە ساقتاۋ ءتارتىبىن بۇزعانى ءۇشىن 24 تۇلعا اكىمشىلىك جاۋاپكەرشىلىككە تارتىلدى. زاڭسىز تىركەلمەگەن ءبىر قارۋ تاركىلەنىپ الىندى.
كوشى-قون زاڭناماسىن بۇزعان 87 شەتەل ازاماتىنا قاتىستى قر اقبتك-ءنىڭ 517-بابى بويىنشا اكىمشىلىك حاتتاما تولتىرىلدى. اۋداندىق پوليتسيا باسقارمالارى مەن ۋچاكەلىك پوليتسيا پۋنكتتەرىنە بارلىعى 446 تۇلعا جەتكىزىلىپ, قول ساۋساق ىزدەرى الىندى.