اتاپ ايتقاندا, ەلىمىزدەگى كەزەكتەن تىس پرەزيدەنت سايلاۋى 20 قاراشاعا بەلگىلەنگەن. تۇرعىندار جەرگىلىكتى ۋاقىت بويىنشا ساعات 7:00-دەن 20:00-گە دەيىن داۋىس بەرە الادى. سايلاۋ ۋچاسكەلەرى ءبىر ساعات بۇرىن اشىلادى. داۋىستاردى ساناۋ داۋىس بەرۋ اياقتالعاننان كەيىن بىردەن جۇزەگە اسىرىلادى. ونى ساناۋ ۇزاقتىعى 12 ساعاتتان اسپاۋى ءتيىس. داۋىستاردى ساناۋ اياقتالعاننان كەيىن بىردەن حاتتاما جاسالادى.
ال داۋىس بەرۋشىلەر ءوز سايلاۋ ۋچاكەسىن «جسن بويىنشا سايلاۋ ۋچاسكەسىن ىزدەۋ» اقپاراتتىق سەرۆيسى ارقىلى تابا الادى نەمەسە «1414», «109» call-ورتالىعىنا حابارلاسىپ بىلۋگە بولادى. سونىمەن قاتار Smart Astana ءموبيلدى قوسىمشاسى مەن smartastana_bot Telegram-بوتى جۇمىس ىستەپ تۇر.
ايتا كەتەيىك, سايلاۋ ۋچاسكەسىنە جەكە كۋالىكتى الىپ بارۋ قاجەت. سونداي-اق eGov, Kaspi قوسىمشاسىنداعى تسيفرلىق جەكە كۋالىكتى كورسەتۋگە بولادى.
ساياسي ناۋقانعا قاتىسۋ ءۇشىن ەلىمىزدە 10 101 ۋچاسكە ازىرلەندى, ونىڭ ىشىندە 53 ەلدە 68 سايلاۋ ۋچاسكەسى قۇرىلدى.
ورتالىق سايلاۋ كوميسسياسى سايلاۋدا داۋىس بەرۋگە ارنالعان سايلاۋ بيۋللەتەنىنىڭ ءماتىنىن بەكىتتى.ء ار ەل بويىنشا 11 ميلليوننان استام سايلاۋشىنىڭ ءتىزىمى جاسالدى. بۇدان بولەك, 35 شەت مەملەكەتتەن سايلاۋعا 641 حالىقارالىق بايقاۋشى اككرەديتتەلگەن.