سينوپتيكتەر الداعى ءۇش كۇنگە ارنالعان اۋا رايى بولجامىن ۇسىندى, دەپ حابارلايدى Egemen.kz.
ەلىمىزدە جاۋىن-شاشىننىڭ توقتاۋى جانە اۋا تەمپەراتۋراسىنىڭ تومەندەۋى كۇتىلەدى.
«رەسپۋبليكانىڭ اۋا-رايىنا ءالى دە اتلانتيكالىق تسيكلون ءوز اسەرىن تيگىزەدى. ەلدىڭ سولتۇستىگىندە, ورتالىعىندا, وڭتۇستىگىندە قاتتى جاۋىن-شاشىن (جاڭبىر, قار) بولجانادى. رەسپۋبليكا بويىنشا بۇرقاسىن, كوكتايعاق, تۇمان, قاتتى ەكپىندى جەل (15-28 م/س) ساقتالادى, 15 قاراشادا قاراعاندى جانە جامبىل وبلىستارىندا 30 م/س جانە ودان دا اسا قاتتى جەل كۇتىلەدى», دەلىنگەن «قازگيدرومەت» رمك حابارلاماسىندا.
اپتا سوڭىندا سولتۇستىك-باتىس انتيتسيكلونىنىڭ ەنۋىمەن جاۋىن-شاشىن توقتايدى. سونىڭ ەسەبىنەن تەمپەراتۋرا فونى تومەندەيدى دەپ كۇتىلۋدە. اۋا تەمپەراتۋراسى تۇندە سولتۇستىك, سولتۇستىك-باتىس, شىعىس جانە ورتالىقتا 10-20 گرادۋس ايازعا دەيىن, ال وڭتۇستىك, وڭتۇستىك-شىعىستا 2-10 گرادۋس اياز, تاۋلى ايماقتاردا 10-15 گرادۋسقا دەيىن تومەندەيدى.