«اڭساعان ءسابي» ارنايى باعدارلاماسى اياسىندا 2021 جىلدىڭ قورىتىندىسى بويىنشا 3 249 ايەل جۇكتىلىك بويىنشا ەسەپكە الىندى, 2 097 وتباسىندا كوپتەن كۇتكەن 2 461 بالا دۇنيەگە كەلدى, دەپ حابارلايدى Egemen.kz.
قر دەنساۋلىق ساقتاۋ مينيسترلىگىنىڭ مالىمەتىنە سايكەس, 1 288 قىز جانە 1 172 ۇل, 364 بالا كوپ ۇرىقتى جۇكتىلىكتەن تۋىلدى.
ەستەرىڭىزگە سالا كەتەيىك, 2020 جىلدىڭ 1 قىركۇيەگىندە مەملەكەت باسشىسى «قازاقستان جاڭا ناقتى احۋالدا: ءىس – قيمىل ۋاقىتى» اتتى حالىققا جولداۋىندا ۇكىمەتكە 2021 جىلدان باستاپ ەكۇ-عا كۆوتالاردى 7 ەسەگە ۇلعايتا وتىرىپ ىسكە قوسۋدى تاپسىرعان بولاتىن, وعان رەسپۋبليكالىق بيۋدجەتتەن 6 ملرد تەڭگەدەن استام قارجى ءبولىندى.
مەملەكەت باسشىسىنىڭ جولداۋىن ساپالى ىسكە اسىرۋ ماقساتىندا دەنساۋلىق ساقتاۋ مينيسترلىگى بىرقاتار ءىس-شارالار وتكىزدى:
- جەتەكشى مامانداندىرىلعان ماماندار مەن دەنساۋلىق ساقتاۋدى ۇيىمداستىرۋشىلار اراسىنان ساراپتامالىق كەڭەس قۇرىلدى;
- «اڭساعان ءسابي» ارنايى باعدارلاماسى بەكىتىلدى, ونى ىسكە اسىرۋ شەڭبەرىندە كرت بويىنشا نورماتيۆتىك-قۇقىقتىق اكتىلەر قايتا قارالدى;
- وڭىرلەر بولىنىسىندە بەدەۋلىگى بار پاتسيەنتتەردىڭ (ايەلدەر مەن ەرلەر) تىزىمدەرى وزەكتەندىرىلدى;
- ۇرپاقتى بولۋ جاسىنداعى ايەلدەر مەن ەرلەردىڭ سانىن ەسكەرە وتىرىپ, وڭىرلەر بويىنشا 7000 ەكۇ تسيكلى ءبولىندى;
- الەۋمەتتىك مەديتسينالىق ساقتاندىرۋ قورى (امسق) مەديتسينالىق ۇيىمدار بولىنىسىندە ەكۇ قىزمەتتەرىنىڭ كولەمىن ورنالاستىردى. ءمامس جۇيەسىندە ەكۇ وتكىزۋ بويىنشا قىزمەتتەردى بۇگىندە 19 كلينيكا ۇسىنادى (ونىڭ 3-ءى مەملەكەتتىك, 16-سى جەكە مەديتسينالىق ۇيىمدار).
وسىلايشا, بۇل ناتيجەلەر دەنساۋلىق ساقتاۋ مينيسترلىگىنىڭ «اڭساعان ءسابي» الەۋمەتتىك باعدارلاماسىن تابىستى ىسكە اسىرعانىن ايعاقتايدى جانە بۇدان ءارى ءمامس جۇيەسىندە جىل سايىن ەكۇ-عا دايىندالعان پاتسيەنتتەردىڭ بارىنشا كوپ سانىن قامتاماسىز ەتۋ مۇمكىندىگى بولادى.