سوڭعى ءۇش جىلدا قازاقستاندا 41 IT مەكتەپ اشىلعان, دەپ حابارلايدى Egemen.kz. بۇل تۋرالى قر وقۋ-اعارتۋ مينيسترلىگى ورتا ءبىلىم كوميتەتىنىڭ توراعاسى گۇلميرا كارىموۆا ايتتى.
بيىلعى كورسەتكىش بويىنشا اتاۋلى مەكتەپتەردە 55 مىڭنان استام وقۋشى ءبىلىم الۋدا. بۇل سان 2021 جىلمەن سالىستىرعاندا 3 مىڭعا ارتىق.
ءىت-مەكتەپتەر زاماناۋي قۇرال-جابدىقتارمەن جانە روبوتوتەحنيكا كابينەتتەرىمەن جابدىقتالعان. سونداي-اق وقۋشىلار ءۇشىن تسيفرلى ءبىلىم مەن داعدىلاردى دامىتۋعا باعىتتالعان ارنايى ءبىلىم بەرۋ باعدارلامالارى ازىرلەنگەن.
«وقۋ-اعارتۋ مينيسترلىگى ءبىلىم سالاسىنداعى تسيفرلاندىرۋعا ۇلكەن كوڭىل ءبولىپ وتىر. ءبىزدىڭ مەكتەپتەر ەلەكتروندى قىزمەتتەردى پايدالانادى, ونلاين وليمپيادالار, ونلاين جارىستار وتكىزەدى, قۇجاتتار ەلەكتروندى فورماتتا دا قابىلدانادى. ءۇش اپتا بۇرىن ەلىمىزدە تمد-عا مۇشە مەملەكەتتەردىڭ سەزى ءوتتى. جيىندا ارىپتەستەرىمىز تسيفرلاندىرۋ ءبىلىم بەرۋ ۇدەرىستەرىنە قالاي ەنگىزىلىپ جاتقانىن اتاپ ءوتتى. ارينە, ءبىز بالالاردى تسيفرلاندىرۋعا ۇيرەتۋدى قولداۋىمىز كەرەك. ول ءۇشىن ءىت-مەكتەپتەردى كەڭىنەن اشۋدى قولعا الىپ وتىرمىز. ءىت-مەكتەپتەردىڭ ەرەكشەلىگى ءىت-تەحنولوگيالار سالاسىنداعى ماماندانۋ, ەرتە پروفيلدەۋ, روبوتوتەحنيكا مەن باعدارلامالاۋدى تەرەڭدەتىپ وقىتۋ, 3D مودەلدەۋ. جىل سايىن IT-مەكتەپتەردىڭ سانى ارتا بەرەدى», دەدى قر وقۋ-اعارتۋ مينيسترلىگى ورتا ءبىلىم كوميتەتىنىڭ توراعاسى گۇلميرا كارىموۆا.