سينوپتيكتەر مالىمەتىنشە, 23 قازاندا استانادا جانە ەلىمىزدىڭ توعىز وبلىسىندا جاڭبىر جاۋىپ, كوكتايعاق, تۇمان كۇتىلەدى, دەپ حابارلايدى Egemen.kz «قازگيدرومەت» رمك-عا سىلتەمە جاساپ.
اتاپ ايتقاندا, ۇلىتاۋ وبلىسىنىڭ ورتالىعىندا سولتۇستىك-باتىستان ەكپىنى 15-20 م/س جەل سوعادى. جەزقازعاندا 23 قازاندا تۇندە سولتۇستىك-باتىستان ەكپىنى 18 م/س جەل كۇتىلەدى.
قىزىلوردا وبلىسىنىڭ ورتالىعىندا سولتۇستىك-شىعىستان ەكپىنى 15-20 م/س جەل سوعادى.
23 قازاندا تۇندە اقمولا وبلىسىنىڭ سولتۇستىگىندە قالىڭ قار جاۋادى دەپ كۇتىلۋدە. وبلىستىڭ سولتۇستىگىندە, شىعىسىندا ازداعان بۇرقاسىن, كوكتايعاق, تۇمان بولادى.
اقتوبە وبلىسىنىڭ باتىسىندا, سولتۇستىگىندە, شىعىسىندا تۇمان كۇتىلەدى. سولتۇستىك-باتىستان سوعاتىن جەل وڭتۇستىك-شىعىسقا اۋىسادى, تۇندە ورتالىقتا, وڭتۇستىكتە, وبلىستىڭ شىعىسىندا ەكپىنى 16 م/س جەل سوعادى. اقتوبەدە 23 قازاندا تۇندە جانە تاڭەرتەڭ تۇمان كۇتىلەدى.
اباي وبلىسىنىڭ ورتالىعىندا وڭتۇستىك-باتىستان سوعاتىن جەل ەكپىنى 23-28 م/س. سەمەيدە وڭتۇستىك-باتىستان جەل سوعادى, ەكپىنى 15-20 م/س.
شىعىس قازاقستان وبلىسىنىڭ سولتۇستىك-شىعىسىندا كوكتايعاق, بۇرقاسىن كۇتىلەدى. وسكەمەندە وڭتۇستىك-باتىستان جەل سوعادى, ەكپىنى 15-20 م/س.
باتىس قازاقستان وبلىسىنىڭ سولتۇستىگىندە, باتىسىندا تۇمان كۇتىلەدى. ورالدا 23 قازاندا تۇندە جانە تاڭەرتەڭ تۇمان بولادى.
23 قازاندا تاڭەرتەڭ جانە كۇندىز جەتىسۋ وبلىسىنىڭ تاۋلى ايماقتارىندا جاۋىن-شاشىن (جاڭبىر, قار) جاۋادى.
پاۆلودار وبلىسىنىڭ سولتۇستىگىندە كوكتايعاق كۇتىلەدى. باتىستان سوعاتىن جەلدىڭ كۇشى 15-20 م/س.
23 قازاندا كۇندىز استانادا كوكتايعاق كۇتىلەدى. سولتۇستىك-باتىستان سوعاتىن جەل ەكپىنى 15-20 م/س .