الەكساندر فۋرتين مەن الەكساندر برياكوۆ ەسىمدى ازاماتتار بۋراباي اۋدانى بايانباي اۋىلىنىڭ ماڭىنان السىرەپ ۇشا الماي جاتقان بىرقازاندى تاۋىپ الدى.
ولار ايانىشتى كۇيگە تۇسكەن قۇستى تاستاپ كەتپەي, بىردەن بۋراباي كۋرورتىنداعى زارداپ شەككەن اڭ-قۇستار باعىلاتىن حايۋاناتتار باعىنا اكەلدى.
حايۋاناتتار باعىنىڭ ۆەتەرينارلارى بىرقازاننىڭ جارالانباعانىن, قاناتتارى ءبۇتىن ەكەنىن انىقتادى. بىراق قاتتى السىرەگەن قۇستىڭ ۇشۋعا شاماسى جوق. وعان الدىن-الا تۇماۋ نەمەسە ۆيرۋستىق اۋرۋ جۇققان دەگەن دياگنوز قويىلىپ وتىر.
«قازىر بىرقازان حايۋاناتتار باعىنىڭ قىسقى ۇيىندە باعىلىپ جاتىر. جەرگىلىكتى ۆەتەرينار مەن باسقا دا قىزمەتكەرلەر وعان كۇتىم كورسەتەدى. بيىلعى قىستى وسى جەردە وتكىزۋگە ءتيىس. ءبىز ونىڭ تەزىرەك كۇش جيناپ قالپىنا كەلۋىنە, ءسويتىپ كوكتەمگە قاراي ۇيىرىنە قوسىلىپ, ۇشىپ كەتۋىنە بار كۇشىمىزدى سالامىز», دەيدى باق قىزمەتكەرلەرى.