جەتىسۋدىڭ جەمىس-جيدەگى مەن كوكونىسىنە قول جەتكىزە الماي جۇرگەن ەلوردالىقتار ءۇشىن «استانا ارەنا» ستاديونىنىڭ اۋماعىندا وبلىستىڭ تاۋار وندىرۋشىلەرىنىڭ اۋىل شارۋاشىلىعى جارمەڭكەسى ءوتتى. جارمەڭكەنىڭ العاشقى كۇنىنەن-اق جەتىسۋلىقتار الىپ كەلگەن 227,1 توننا ءونىمىنىڭ 150 تونناسىن ساتىپ ۇلگەردى.
الماتى مەن جەتىسۋ ءوڭىرى بىرلەسىپ وتكىزگەن جارمەڭكەگە جەتىسۋ وبلىسىنىڭ 8 اۋدانى مەن 2 قالاسى قاتىستى. سونىمەن قاتار كوكسۋ قانت زاۋىتى دا ءوز تاۋارىن ۇسىندى.
وبلىس اكىمىنىڭ ءباسپاسوز قىزمەتىنىڭ حابارلاۋىنشا, استانالىق تۇرعىندار ءۇشىن ەلورداعا جالپى سوماسى 401,4 ملن تەڭگە بولاتىن 227,1 توننا ءونىمنىڭ 54 ءتۇرى اپارىلعان. سونىڭ ىشىندە ەت-ءسۇت, شۇجىق, بالىق ونىمدەرى, قانت, ۇن, جارما, وسىمدىك جانە جانۋار مايلارى, كوكونىس, جەمىس-جيدەكتەر, بال, ۇلتتىق سۋسىندار جانە ت.ب. ازىق-ت ۇلىكتەر بار. «ساۋدا قىزۋ ءجۇردى» دەيدى شارۋالار. جالپى, جارمەڭكەگە جەتىسۋلىق 35 شارۋا قوجالىعى قاتىستى.
«8 جىلدان بەرى استانادا تۇرامىن. ءوزىم نەگىزى تالدىقورعاننان كوشىپ كەلگەنمىن. جەتىسۋ وبلىسى جارمەڭكە وتكىزەدى دەپ ەستىگەندە قۋانا-قۋانا كەلدىم, تۋعان جەرىمنىڭ ەكولوگيالىق تازا ونىمدەرىن ساتىپ الدىم. جىل سايىن جارمەڭكەدە سارى ماي, ەت, الما مەن كوكونىستەردى مولىنان الىپ قايتامىن», دەدى استانالىق مارعۋا جادىراەۆا.
جارمەڭكە الاڭىندا استانا قالاسىنىڭ اكىمدىگىمەن بىرلەسە كونتسەرتتىك باعدارلاما ۇيىمداستىرىلدى.