ەرتەڭ, 22 قىركۇيەكتە ورتالىق سايلاۋ كوميسسياسىنىڭ وتىرىسى وتەدى, دەپ حابارلايدى Egemen.kz ۆەدومستۆونىڭ ءباسپاسوز قىزمەتىنە سىلتەمە جاساپ.
ورتالىق سايلاۋ كوميسسياسىنىڭ وتىرىسىندا كەلەسى ماسەلەلەر قارالادى:
2022 جىلعى 20 قاراشاعا تاعايىندالعان كەزەكتەن تىس پرەزيدەنت سايلاۋىن دايىنداۋ مەن وتكىزۋ جونىندەگى نەگىزگى ءىس-شارالاردىڭ كۇنتىزبەلىك جوسپارىن بەكىتۋ; شەت مەملەكەتتەر, حالىقارالىق ۇيىمدار بايقاۋشىلارىنىڭ, شەتەلدىك باق وكىلدەرىنىڭ قىزمەتىن ۇيىمداستىرۋ; 2022 جىلعى 20 قاراشاعا تاعايىندالعان كەزەكتەن تىس پرەزيدەنت سايلاۋىنا دايىندىق كەزەڭىندە سايلاۋ كوميسسيالارىنىڭ مۇشەلەرىن جانە سايلاۋ پروتسەسىنە باسقا دا قاتىسۋشىلاردى وقىتۋدى ۇيىمداستىرۋ.