الماتى قالالىق ءماسليحاتىنىڭ XXV سەسسياسىندا «الماتى قالاسىن 2025 جىلعا دەيىنگى دامىتۋ باعدارلاماسى جانە 2030 جىلعا دەيىنگى ورتا مەرزىمدى پەرسپەكتيۆالارى» باعدارلاماسى بەكىتىلگەن بولاتىن.
قالا اكىمى ەربولات دوساەۆ دامۋ باعدارلاماسىن ازىرلەۋ ءۇشىن الماتى اكىمدىگىنىڭ قىزمەتكەرلەرى جانە ءتۇرلى قىزمەت سالالارىنىڭ 130-دان استام ساراپشىسى 5 اي بويى جۇمىس ىستەگەنىن ايتتى.
ء«بىز اۋقىمدى جۇمىس اتقاردىق. قازىرگى ستراتەگيالىق جوسپارلار مەن حالىقارالىق تاجىريبە, ونىڭ ىشىندە الەمدىك مەگاپوليستەردى دامىتۋدىڭ باستى ترەندتەرى مەن قاعيداتتارى زەردەلەندى, سىن-قاتەرلەر ەسكەرىلدى, قالا تىرشىلىگىنىڭ بارلىق سالاسىنداعى جاعدايعا تالداۋ جاسالدى, تۇرعىنداردىڭ مىڭداعان وتىنىشتەرى قارالدى», دەدى شاھار باسشىسى.
الدىن الا ەسەپتەلگەندەي, باعدارلامانى ىسكە اسىرۋ ءۇشىن 6,1 ترلن تەڭگە قاجەت. بۇل تارتىلعان جەكە ينۆەستيتسيالاردىڭ باسىم بولىگىن نەمەسە 55%-دان استامىن قۇرايدى. ونىڭ ىشىندە وسى ءۇش جىلدا 1,3 ترلن تەڭگە تارتۋ جوسپارلانىپ وتىر, ال قالعان 2 ترلن تەڭگەدەن استامى – ورتا مەرزىمدى پەرسپەكتيۆادا 2030 جىلعا دەيىن قاراستىرىلماق.
ە.دوساەۆ 2030 جىلعا دەيىن the Global Livەability Index TOP-70 يندەكسىنە ەنۋگە تالپىنۋ كەرەگىن جەتكىزدى. بۇل – قالالاردىڭ جايلىلىق دەڭگەيىنىڭ ينتەگرالدى يندەكسى. وندا تۇرعىنداردىڭ وزدەرى قالاداعى ءومىر ءسۇرۋ جايلىلىعىن 30-دان استام كورسەتكىش بويىنشا باعالايدى. الماتىنى اتالعان يندەكستەن ءومىر ءسۇرۋ جاعدايلارى جايلى, الەمنىڭ وزىق تەحنولوگيالارى, يننوۆاتسيالارى مەن ساپالى ادامي كاپيتال ءۇشىن تارتىلىس نۇكتەسى رەتىندە كورۋ كوزدەلگەن.
«الدا ءبىزدى ەڭ قيىن ءىس كۇتىپ تۇر. بۇل – بەلگىلەنگەن جوسپارلاردى ءتيىمدى ىسكە اسىرۋ ماسەلەسى. قويىلعان مىندەتتەردى جوسپارلى جانە كەشەندى ىسكە اسىرۋ ءۇشىن جەكەلەگەن ءىس-قيمىل جوسپارلارى قابىلدانادى, جول كارتالارى ازىرلەنەدى جانە جوبالىق وفيستەر قۇرىلادى», دەدى قالا اكىمى.
دامۋ باعدارلاماسىندا 7 نەگىزگى باعىت ايقىندالعان. ياعني جايلى قالا, تۇراقتى ەكونوميكالىق ءوسۋ, باسقارىلاتىن ۋرباندالۋ, الەۋمەتتىك ورنىقتىلىق پەن تۇراقتىلىق, جاسىل الماتى, الماتى – سمارت سيتي, قاۋىپسىز قالا. باعدارلاما الماتىلىقتاردىڭ ۇسىنىستارىنا نەگىزدەلگەنىن ايتا كەتۋ كەرەك. بيىل شىلدە ايىندا قالا تۇرعىندارى دامۋ باعدارلاماسىنىڭ نەگىزگى باسىمدىقتارىنا 1 280 تۇسىنىكتەمە جىبەرگەن.
الماتى