مۇسىلمان الەمىنىڭ ايگىلى ءدىن عۇلامالارى ءىلىم العان, تالاي ءدىندارلار تۇلەپ ۇشقان ءال-ازھار ۋنيۆەرسيتەتىنىڭ شەيحى, جوعارعى مارتەبەلى يمام احماد ات-تايەب كەشە ەلورداداعى ازىرەت سۇلتان مەشىتىنە بارىپ, بەسىن نامازىنا قاتىستى.
الەمدىك جانە ءداستۇرلى دىندەر كوشباسشىلارىنىڭ ءVIى سەزىنە كەلگەن جوعارى مارتەبەلى يمامدى قازاقستان مۇسىلماندارى ءدىني باسقارماسىنىڭ توراعاسى ناۋرىزباي قاجى تاعان ۇلى قارسى الىپ, قۇلشىلىق ورداسىمەن تانىستىردى.
ءال-ازھار شەيحى بەسىن نامازىن وقىدى. نامازدان سوڭ باس ءمۇفتي قۇرمەتتى قوناققا قازاقى داستۇرگە ساي قۇرمەت كورسەتىپ, ەلىمىزدىڭ ءدىن قىزمەتكەرلەرىنە قولداۋ كورسەتىپ كەلە جاتقانى ءۇشىن العىس ايتتى.