ءۇندىستاننىڭ ەڭ تانىمال كاسىپكەر وتباسىنىڭ مۇراگەرى, ميللياردەر سايرۋس ميستري جول اپاتىنان قايتىس بولدى, دەپ حابارلايدى Egemen.kz NDTV سايتىنا سىلتەمە جاساپ.
وقيعا ءۇندىستاننىڭ احمەداباد قالاسىنان مۋمبايعا بارا جاتقان كەزدە بولعان.
الدىن الا بولجام بويىنشا, وقيعاعا جۇرگىزۋشىنىڭ باسقا كولىكتى باسىپ وزۋعا ارەكەتتەنىپ جىلدامدىقتى اسىرىپ كەتۋى سەبەپ بولعان. سودان كەيىن ول كوپىردەن ءوتىپ بارا جاتىپ, كولىكتى باسقارا الماي, قورشاۋعا سوعىلعان.
كولىكتە ءتورت ادام بولعان, ولاردىڭ ەكەۋى وقيعا ورنىندا قازا تاۋىپ, تاعى ەكەۋى اۋرۋحاناعا جەتكىزىلگەن. پوليتسيا وقيعاعا قاتىستى ەگجەي-تەگجەيلى تەرگەۋ جۇرگىزىپ جاتىر. ءۇندىستان پرەمەر-ءمينيسترى نارەندرا مودي ءميستريدىڭ قايتىس بولۋىنا بايلانىستى كوڭىل ايتتى. ول ونى ءۇندىستاننىڭ ەكونوميكالىق كۇشىنە سەنەتىن بولاشاعى زور بيزنەس كوشباسشىسى دەپ اتادى.
«ونىڭ ءولىمى ساۋدا مەن ونەركاسىپ ءۇشىن ۇلكەن شىعىن», دەپ جازدى پرەمەر-مينيستر تۆيتتەردە.
ايتا كەتەيىك, 2012 جىلدان 2016 جىلعا دەيىن ميستري ۇندىستانداعى ەڭ ءىرى كومپانيالاردىڭ ءبىرى Tata Group ترانسۇلتتىق كونگلومەرات كومپانياسىنىڭ توراعاسى بولدى.